افضل بدى كريم للجسم

لو ممكن يا ذوو الخبرة لو تقولولى عن افضل بدى كريم لعروسة ولكم جزيل الشكر

دايفين الازرق او انيجما او جوردانى

وجربى كمان الامبير ألكسير والدى لايت

شكرا ليكو يا حبايبى و لو اى نصيحة تانية تنصحونى بيها يبقى كتر خيركم

محتاجة أية وأنا أساعدك لو عندى الاجابة هكون تحت أمرك

بصي البدي كريم بتاع البرفانات ه مالهوش لازمه لو عاوزه ترطيب
مش بيعمل اي حاجه هو ريحه بس
هاتي لوشن احسن

ساد انا كنت عاوزه اسالك ع حاجه كنت عاوزه زيوت طبيعية لترطيب الجسم لان انا جسمى بقاله فترة كده جاف خالص وبستعمل زيت جونسون بس مش عامل حاجه معايا الفترة دى فياريت تقوليلى اجيب زيوت ايه

manooo_82 كتب:: ساد انا كنت عاوزه اسالك ع حاجه كنت عاوزه زيوت طبيعية لترطيب الجسم لان انا جسمى بقاله فترة كده جاف خالص وبستعمل زيت جونسون بس مش عامل حاجه معايا الفترة دى فياريت تقوليلى اجيب زيوت ايه

معلش ياقمر عشان بس لسة طلعين من برد ودة عادى متخفيش بصى أعملى اللى هقولهولك وشوفى وأدعيلى
الاول نجيب ملح تاكو موجود فأى حتة مش صعب عند بتعوع الميكب وكدة وبعد متبلى جسمك حطى شوية عالليفة بتاعتك وأدعكى جسمك براحة كلة وبعدين أشطفى جسمك ونشفى وجيبى كريم جسم زى مثلا الكاشمير أو الميلك أند هنى ممتاز ودهنى جسمك كلة وألبسى وكررى الكريم على طول بس الملح كل أسبوع كويس ولو ممكن تعرفى تجيبى فازلين الجديد للجسم أنا بجيبة من كارفور هيعجبك قوى قوى مش هتبطلية

ايه فازلين الجديد ده يا ساد شكله ايه يعنى وحجمه وسعره

ياريتك رديتى عليه بسرعة يا ساد انا رايحه سيتى ستارز انهارده وكنت عاوزه اعرف ايه الفازلين الجديد ده عشان ادور عليه هناك ف سبينس مثلا

نوع الفازلين الجوز الهند او اللوز متهيالى عشان جبته ف السعوديه اكيد ف كارفور

علبته لونها بنى كده او مدى على دومى

شكرا يا مروة

على ايه يامانو احنا اسره مع بعضينا ولا ايه

ههههههههههههههه صح يا قمر بس انا كنت عاوزه اعرف يعنى انا مش ممكن الاقى الفازلين ده ف الصيدليات وكمان كنت عاوزه اعرف الفازلين نتيجته احلى من الجلسرين؟

أنا بعتذر عن التاخير بجد والله بس مكنتش هرد أحسن من البنات بجد معنديش أكتر منة هو فعلا لونة بنى فسمنى فأورنج بس وفية منة بالفانيلا بس مشفتوش هنا

اسمه فازلين انتينسيف كير

تحفة تحفة تحفة بمعنى الكلمة

في منه أنواع كتير وانا شوفت منه فى فتح الله كمان

محدش عنده صورة للفازلين ده ولا هو انتوا قصدكوا على اللى بيجى اعلانه ف التليفزيون ولون غطاه ازرق

ايوه هوه ده

أيوة صح وبرضة منة يالاوتومايزر

انا لقيته ف الصيدليه يا ساد بس مش لقيت باللوز فهبقى اشوفه فى مكان تانى هو سعره 42 جنيه صح؟ وكمان سالت ع الملح اللى قولتيلى عليه ومش لقيته ومش لقيت حد يعرفه بس لقيت فى ملح تانى باسم تانى شبه ده لكن مش تاكو بالحليب الطبيعى ومكتوب لنعومه البشرة

هى تقريبا الملح اللى قصدها عليه اسمه يوكو سبا وعلى فكره الملح ده تحفه وبينعم الجسم فعلا وده عن تجربه

ايوه صح هو اللىى لقيته عن الراجل العطار اسمه يوكو ومكتوب تحتها انه بالحليب الطبيعى صح كده ولا ايه

ايوه صح ولون العبوه بتاعته ابيضفى اسود

صح يا ساسو ميرسى ليكى يا قمر ان شاء الله هبقى اروح اجيبه بس يا ساسو انتى بتستعمليه ازاى يعنى بتحطيه ع الليفه ولا ع ايدك زى اسكرب الوش كده ولا ايه

هو مكتوب عليه من ورا طريقة الاستخدام

ممكن حد يجيبلي صورة الفازلين اللي بتتكلموا عنه

انا كنت شاريه من النت لوشن اسمه جرجنز تحفه بمعني الكلمه
بينعم اوووووووووي
انا اصلا عندي مشكلة جفاف جامده وبروح لدكاترة ومحدش عارف يعملي حاجه

http://www.vaseline.ca/Template1.aspx?Path=Consumer/OurProducts/Home

بصى يا قمر انا دورت ع صوره ليه ع النت بس مش لقيت بس عموما ده الموقع بتاعه

انا جبتلك صورته اهى يا قمر ع فكره هو سعره 42 جنيه فى الصيدليه

دى الصورة

الصورة مش راضيه تنزل عشان مساحتها كبيرة عموما هتلاقيها ف الموقع

» كريم ديلايت للجسم
» استشارات مجانية مع خبيرة التجميل
» ايه افضل كريم اساس للبشرة الجافة ؟
» بنات المنصوره عندى بادى كريم ديفين و كريم النهار اوبتيمالز
» بنات مين جربت كريم اسانسيال للبشرة الحساسة ؟؟ و كريم النهار ؟؟