انا عضوة جديده ومحتاجه استفسار ضرورى جدا

انا لسه عامله عضويه الشهر ده فى اورفليم بس عندى كذا استفسار
ومعلومه مهمه
المعلومه هيا انى لما المندوب جالى مجاش على عنوان البيت واتصل بيا من مكان فى وسط المحله الكبرى وهوة ميدان الشون وقالى انا مش هقدر اجى تعالى انتى عشان تاخدى الكتالوج
وده طبعا مينفعش انا كده فقدت الثقه فى طريقه التعامل واحترام الاعضاء بسبب الناس ال بتستهر بشغلها ده يعنى ده مندوب والمفروض يأدى واجبه كامل
الاستفسار بقى هوة عايزة اعرف
سعر الشحن لمدينه المحله الكبرى اد ايه وهل ممكن اطلب اى طلبيه حتى لو كانت صغيرة ولا فى حد معين عشان اقدر اطلب اوردر
تانى حاجه انا عايزة اعرف اذاى اقدر اضيف رقم موبيلى فى صفحتى على موقع اورفليم لانى كاتبه رقم البيت لان رقم موبييلى جديد ومتكون من11 رقم وصفحه التسجيل اعتبرت ان الرقم غلط لانه اكتر من 10 ارقام
و اتصلت بالشركه عشان اضيف رقم موبيلى وقالى انه ضافه ولما دخلت اتاكد ملقتش انه ضافه
الطلب الاخير ومعلش انا طولت عليكم اذاى اقدر اعرف انى بقيت عضو راعى وكام عضو دخلو فى رعايتى لانى عرفت ناس كتير برقم عضويتى عشان يبقو اعضاء تبعى ومش ع وعايزة اعرف كام واحده دخلت تحت
عضويتى
هل فى خاصيه توضحلى عد د الاعضاء ال انا برعاهم من خلال صفحه فى موقع اورفليم
واسفه انى طولت بس انا بجد محتاجه مساعدتكم

هاى مولى وأهلا بيكى معانا اولا المندوب الى مجاش لحد بيتك كلمى الشركه بتاعة الشحن واشتكى لانك دافعه مصاريف الشحن يعنى لازم تيجى لحد البيت وكلمى شركة اوريفليم وقوللهم وعرفيهم ان الموقف ده لو حصل تانى انك مش هتدفعى مصاريف الشحن وقولى الكلام ده لشركة الشحن وهى شركة ميدل ايست جيبى نمرتها من الدليل او من الشركه
تانى حاجه سعر الشحن لطنطا 15 جنيه وهتلاقى مكتوب عندك فى الفاتوره
courier fees دى مصاريف الشحن وهتلاقى handleling fees دى مصاريف مناوله بتبقى 2 جنيه
بالنسبه لرقم التليفون ممكن يكون اتسجل فى الركه بس مش ظاهر عندك فى الصفحه بس برضو ممكن تتأكدى من الشركه بالتليفون بالنسبه للكود الراعى عندك فى الصفحه بيبقى موجود ال bp group الى هى نقاط المجموعه دى تبقى النقط بتاعتك انتى والى تحت الكود بتاعك لاكن تعرفى كام واحده تحتك ممكن تعرفى من الشركه ممكن يكون فى حاجه فى الصفحه تبين بس انا معرفهاش

ميرسى يا جميل على الرد بس مقولتليش هوة ممكن يبعتولى اى حاجه اطلبها يعنى لو الاوردر فى منتج او اتنين هيجى برضه ولا فى
حد ادنى؟؟؟؟

بصى يا قمر لو طلبتى حاجه واحده بس هتجيلك برضو بس هتدفعى نفس مصاريف الشحن على كل طلبيه تطلبيها فالاحسن ليكى لو هتطلبى حاجات قليله حاولى تطلبى من على النت علشان مصاريف الشحن هتكون 5 جنيه

طيب انا عايزة حد يساعدنى لانى معنديش دائرة معارف كتير

بصي ياقمر من موقع الشركه عندك كد في الجمب كلمة
quick links
اضغطي عليها واختاري
downline reports
بعدين من القائمة اختاري
new activity report
وبعدين اختاري
all
واضغطي علي
show report
هيظهرلك الجروب بتاعك كله والتفاصيل بالنقط والمكافأت وكل شئ

انا عملت كده من 6 ايام وفى الاخر اتصلت بالشركه وعملت الاوردر