حقن الميزوثيربى لتفتين الدهون

يا جماعة عاوزين نتكلم فى موضوع حقن الميزوثيربى بتاع ازابة الدهون للمناطق المحددة
يعنى كل واحده تقول رايها ف الحقن دى وايه اللى تحرفه عنها انا سمعت دكاتره كتير بيقولوا انها مافيهاش اى خطر وانها كويسه جدا للى عنده بطن مثلا وعاوز ينزلها

بصى ياقمر الحقن كويسة بس أولا بترجع تانى لو مهتمتيش بالاكل وكمان مكلفة جدا جدا

بس الميزة اللى فيها أنها أمنة جدا بس لازم اللى يدهالك يكون متخصص مش أى دكتور أو مركز تجميل وعلى فكرة لازم تكونى خسة شوية أحسن من الاخر هى تصلح ديفو فالجسم مش تخسس

انا اصلا يا ساد وزنى 57 ومشكلتى البطن بس عندى حوالى 6 سم زياده خانقنى بصراحه ونويت اعمل الميزوثيربى انا هعمله ف مستشفى خيرى فى مصر الجديدة لان سعر الحقنه هناك 250 لكن انا روحت ل منى رادميس كان كشفها بس 150 جنيه والحقنة ب 300 جنيه يعنى عشان اخد 6 ولا 8 هتخرب بيتى

عندك حق بس حاولى بالرياضة وتمارين الضغط بتاعة البطن أنا كنت بعملهاوكانت حلوة بجد نصيحة أحسنلك وأوفر وكمان التمرين اللى هو بتشفطى بطنك لجوة وتحاولى تفضلى علية وتريحى كل شوية منة بس المرة الاولى لما كنت عملة رجيم بجد خلى بطنى لو أقولك فلات خالص حاولى اللى خلاكى تستنى كل دة مش هتجربى شوية

ههههههههههههههه انتى فهمتينى غلط ما انا قررت اروح لدكتورة فى مستشفى خيرى بتعملها بسعر 250 وهبدأ من بكره ربنا يستر ادعولى بقى ربنا يسترها معايا

جربيها يا مانو وقوليلنا ايه الاخبار
انا بقى عندى الديفو فى الارداف
ونفسى اخسسهم اوى وكمان عندى سيلوليت
يا رب يجيب نتيجة معاكى يمكن الواحد يتشجع ويجرب هوا كمان
بس الحقن دى مش بتوجع

انا بقى عندى الديفو فى البطن والارداف تفتكروا احتاج كام حقنة عشان ابتدى احوش

هو على حسب كمية الدهون عندك كام وغالبا بيبقوا من 10 ل 15 عموما انا عاوزه اقولكوا انى ماروحتش لان فى ناس عمالين يخوفونى مع انى عملت بحث ف كل مكان وكله بيقول تمام بس برضه العمر مش بعزقه

ازيكو يا بنات وحشنى كتير
بصى يا مانو ان زيك وزنى 57 وبرضه عندى مشكلة البطن الى مجننانى
روحت لدكتورة وكنت مواظبة معاها وقررت اعمل الميزوثيرابى والحقنة ب 250 عملت اول جلسة وبصراحة البطن نزلت 2سم اخدت تانى مرة ولا اى حاجة والتالتة برضه زى ما انا
يعنى دفعت 750جنيه على الفاضى ونفس الحكاية بابا اخد فى جلسة واحدة 4حقن ب 1000 جنيه ومنزلش ولا سم
فنصيحة متعملهاش انا انصحك بالرياضة يعنى انا بدات اروح جيم وهواظب ان شاء الله على الايروبكس وبدات البطن تتظبط ودى تجرتى يارب اكون افدتكم

انا استخدمت من اوريفلام شد البطن وبصراحه كويس وحلو وبشرب ميه دافيه بس استخدميه افضل من الحقن وملهوش تاثير ف حاجه او ضرر يار اكون افادكم

رعلى فكرة واحدة صحبتى دكتورة عندها صحبتها دكتورة تغذية وعلاج طبيعى فسكندرية بتقول مش كل الناس بيأثر معاها وفية ناس بيعمل لها نوع من الاحمرار والورم بس بيروح تانى يوم او تالت يوم من الحقنة وربنا يستر

نونا بصراحة فيدتينى كتير وانا فعلا عندى جهاز اب كينج ف البيت لسه جايباه من شهرين وبلعب عليه للبطن
وميرسى ليكوا كلكوا افدتونى فعلا