كودي حصري ليا

معلش يا بنات انا عازية كودي محدش يقدر يشتري عليه غيري ازاي اعمل الموضوع ده هل من النت و لا التلفون و لا لازم الفرع و لا اية ؟
و هما هيعرفوني اني انا ازاي بعد كده

على ما اتذكر أنى قرات أن ممكن العضو يشترط أن الشراء يكون برقم البطاقة الشخصية

يعنى لما تيجى تطلبى هيأخد منك رقم البطاقة علشان يضمن انك صاحبة العضوية أو موافقة ان الشخص ده يشترى عليها

بس ما جربتش اعملها على الكود بتاعى

ممكن لو حد من البنات عنده فكرة يساعدك أو ممكن تسالى فى الفرع لما تروحى المرة الجاية

اه ممكن تتصلي باوريفليم وتقوليلهم عاوزه معامله شخصيه وهما اول ماتعملي اوردر هيطلبوا منك تاريخ ميلادك بس
وبالنسبه للنت تقدي تغير الباسورد بتاعتك لو حد عارفها في الاصل

مرسي يا مدام هالة و يا سما كودي حصري ليا 20726

انا عايزة اعمل كده عشان هدية الترحيبلو حد عمل اوردر قبلي هتزله كودي حصري ليا 140564

بس كده سهلة علي فكرة تاريخ الميلاد مش صعب بالذات لو حد خد بطاقتي

مارو اصلا ممكن تتصلى بخدمة العملاء
وتطلبي منهم يعملولك باسورد لكودك

وتاكدي ان محددددش حيقدر يعمل اى شغل على كودك

انا كنت عملاه ونسيت اديه لاختى وراحت تعمل طلبية ومرضوش ابدا يعملوا اي اوردر غير لما تقولهم على الباسورد

طيب هيعرفوا الي بتتصل دي انا ازاي يا قلبي مللك ربي ؟

بتتصلى وبتقوللهم الكود بتاعك
وبتقوللهم عايزه اعمل باسورد على كودى
فبيقولك اقترحى الباسورد

وهو بيسجلها عنده على السيستم
بعدها اى حد لو اتصل وعمل اوردر هو بيساله عن الباسورد

وعلى النت ممكن انتى تغيري الباسورد بتاعك وحاولى تخليها يعني صعبة لاي حد يعنى مش سهلة التخمين

متقلقيش اصل انا عملتها بعد ما اتاخدت منى هدية فى شهر يناير

وربنا يسترها معانا

بس يا ملك أنت كنت مدية لحد الكود بتاعك

و لا متعرفيش اللى عمل الأوردر أخد كودك منين

لان لو التانية تبقى مشكلة و الافضل الواحد يعمل باسورد هو كمان

لا يا م هالة بس انا الديكتاتور بتاعتي انا معرفهاش احنا اتفقنا هنا في المنتدي هيا كانت دايما تقولي انا العضو الراعي مش الديكتاتور انا هسالهالك الديكتاتور بتاعتي ده اول شهر ليا ولما عملت اوردر ماكتوب هيا الديكتاتور )سوري يا مدام حنان
و هيا اوريدي خدت هدية الشهر الاول و عملت اوردر قبلي بس ده كان بالاتفاق معاها بس انا خايفة بصراحة و هي طبعا معاها صورة البطاقة باعتي
بس يا قلبي مللك هيعرف منين اني صاحبة العضوية ما يمكن حد تاني؟ (

حاولى يا مارو تعمليه بكرة من التليفون لو نفع يبقا خير منفعش حاولى تروحى الفرع و البطاقة ساعتها خير إثبات

بس و أنت بتختارى الباسورد ابعدى عن رقم البطاقة و كمان تاريخ ميلادك لأنه طبعا فى البطاقة

و اختارى باسورد صعب حد يكون عارفه

بس غريب أن حنان طلعت دايركتور رغم أنى كنت فاهمة من مشاركاتها معانا فى المنتدى أنها عضو جديد!!!

عموما أن شاء الله ربنا ييسر لك أمرك و طالما أنتم كنتم متفقين على أول شهر مفيش مشكلة

و بإذن الله تستلمى هديتك الشهر الجاى زى ما اتفقتوا

لا متقلقيش الموضوع مش بالصعوبة دي
هو اول ما بتتصلى بيسألك عن كودك وبيقولك حضرتك استاذه كذا كذا
بتقوليله اه

مش عارفه بقى بيسال عن رقم البطاقة ولا لا

بس وقتها سألنى بس عن الكود وبعدها انا قولتله على الباسورد

م. هالة اللى خدت الهدية كانت الدايركتور والحمد لله العضو الراعي بتاعتي كلمتها وقولتلها على الموضوع ده
وهي جابتلى هدية وقالتلى انا حتصرف معاها
وبعدها قالتلى انى اعمل باسوورد على الكود بتاعى

ان شاء الله يا مدام هالة هعمل كده بس يا رب يفيدوني دا انا قعت يومين كاملين علي ما ادوني الرقم السري و غلسين جدا
موضوع الفرع صعب دلوقتي ربنا يسهل و مرسي قوي
قلبي مرسي قوووي انتي خوفتني بس كويس انك نبهتيني اكتر و مرسي علي ردكوا جدا يا رب بس يبقوا لطاف و ميطلعوش عيني كودي حصري ليا 20726

marobader كتب:: لا يا م هالة بس انا الديكتاتور بتاعتي انا معرفهاش احنا اتفقنا هنا في المنتدي هيا كانت دايما تقولي انا العضو الراعي مش الديكتاتور انا هسالهالك الديكتاتور بتاعتي ده اول شهر ليا ولما عملت اوردر ماكتوب هيا الديكتاتور )سوري يا مدام حنان
و هيا اوريدي خدت هدية الشهر الاول و عملت اوردر قبلي بس ده كان بالاتفاق معاها بس انا خايفة بصراحة و هي طبعا معاها صورة البطاقة باعتي
بس يا قلبي مللك هيعرف منين اني صاحبة العضوية ما يمكن حد تاني؟ (

لو كنتى سألتينى الأول ؟؟ كنتى هتعرفى الأجابة يا مارو بدل متشكى فيه وتشككى فيه الجميع
الموضوع ببساطة أن ده أصلآ مش مجال عملى (عملى مدير تسويق بمصر للسياحة ) ومنذ ما يزيد على العام قريبه لى طلبت منى صورة البطاقة علشان تعمل بيها عضوية بأوريفليم لأن بطاقتها هيه تحت راعى لم تستريح فى التعامل معها ففضلت الأنفصال بعمل عضويه جديده من خلال بطاقتى وفعلآ عملت شجرة وكبرت لما بقت هيه دايركتور بس بأسمى أنا والشهر الماضى لما عرفت أنه ممكن أشترك ببطاقة أى حد من الدرجة الأولى وهذه المعلومه عرفتها من المنتدى عندكم فقلت طب ما أشترك ببطاقة زوجى وفعلآ هذا ما حدث وكان برنامج الترحيب بتاعى أوله الشهر اللى فات ... يعنى أنا ماكدبتش عليكى يامارو ولا حاجه ... بس هو سوء فهم منك للموضوع .
أما بخصوص الهدية فده كان بالأتفاق مع حضرتك لأنك لم تعملى ال100 نقطة بتاعتك وأنا ساعدتك وحطيتلك 100 نقطة على كودك علشان تتحسبلك الهدايا من الشهر التالى والهديه خدتها الدايركتور لأنها هى اللى عملة النقط اللى أسمها حنان وهيه مش حنان فى الحقيقة .
أضيفى الى ذلك أننى قولتلك برضه هعوضك عن الموضوع ده وهبعتلك الهديه اللى أتفقنا عليها وده علشان متزعليش أنك مخدتيش هدية من الشركة .
وده كل الموضوع للجميع أبداء الرأى هل من حق مارو الحصول على الهدية برغم أنها لم تعمل ولا نقطة من ال100 نقطة فى أول الشهر ولا اللى عملهم هو اللى ياخد الهدية ؟؟؟

... وبعدين هو فيه حد يحط لحد نقط على كوده طب مايستفيد هو بالنقط دى

أشكركم جميعآ وأعتذر للأطالة بس حبيت أوضح الصورة .. وصباح حسن الظن

احنا بنعمل شغل اصلا عشان الهدايا
وانا واصحابي لما بيبقي حد فينا مش عارف يعمل النقط وحد تاني خلصه برنامجه وكان لسه عاوز يطلب حاجات
يطلبها علي كود صاحبتنا دي بمعرفتها طبعا يواخد الهدية
مارو علي فكره هي كده خدمتك عشان متقعيش من البرنامج

ساندي كتب:: احنا بنعمل شغل اصلا عشان الهدايا
وانا واصحابي لما بيبقي حد فينا مش عارف يعمل النقط وحد تاني خلصه برنامجه وكان لسه عاوز يطلب حاجات
يطلبها علي كود صاحبتنا دي بمعرفتها طبعا يواخد الهدية
مارو علي فكره هي كده خدمتك عشان متقعيش من البرنامج

أولآ : صباح الخير وأشكرك يا ساندى على سرعة التواصل

ثانيآ : والله شهيد على ما أقول أن ده اللى فكرت فيه بالنسبة لمارو علشان لما تعمل النقط فى الشهر الثانى تاخد برفان انجما

وعلى العموم .. يامارو أنا عند وعدى فى الهدية بس مسألة وقت علشان أنا هشحنلك الهدية بمعرفتى مش عن طريق الشركة
( وعد الحر دين عليه ) .

بصي يا م حنان انا طبعي كده لازم اشك عشان اعرف اعيش انت صحيح لطيفة و زوق جدا معايا بس انا معرفكيش غير بالتلفون فطبيعي جدااااا جدااا اني اخد حظري افتكر ده مفهوم
ثانيا انا ميهمنيش انت ديكتيتور و لا لا مفيش مشكلة ده مش فارق معايا في حاجة المهم انك نفذتي الاتفاق معايا
ثالثا يا ساندي هو الاتفاق اصلا انا اخد حجات خلصت الي هي اكسسورات و كان ساعتها مضاعة نقط و انا كنت داخلة في ابريل اصلا يعني مكنتش فارقة معايا اصلا مدام حنان اقترحت ادخل تحتها و هي تعملي البرنامج الترحيبي مقابل الجاجات اي اشترتها كانت ب 180 جنية في مضاعفة يعني عادي و اخد انا الهدية بعدين هي قالت الاكسوارات نقطها قليلة هتاخد هي الهدية قلت بيس مش مشكلة انا كده كده كنت هاحخد الحاجة دي و هي اصلا كده خدماني
و الهدية عادي انا كنت ناوية اديها لماما
بالنسبة لهدية بقا انا و لا بفكر فيها اصلا و نسيت الموضوع و الله دي حاجة انتي قولتي زوقيا منك عملتيها او لا عادي جدا عندك
بالنسبة اني قلت هنا انا مقلتش غير لما اطريت اقول عشان افهم الناس و انا عاملة الاوردر اول الشهر لما الموضوع ده جه في دماغ وقولت ان ده كان بالاتفاق معاكي و كان ده واضح
بصي هي مدتكيش رقم عضويتي و لا انا سالت عليه غير لما طلبت الاوردر و خدت الهدية و انا شفت ده عادي جدا و لا زعلت انا كمان لما اخد حذري حاجة متزعلش

على فكره ياجماعه مدام حنان كده خدمتك يامارو كون انها تعمللك 100 نقطه فمن حقها تاخد الهديه ياريت انا الاقى حد يعملى 100 نقطه وياخد الهديه بتاعتى

لا حول ولا قوة الا بالله
ربنا يهديكم انتم الاتنين
و بصراحة و ماتزعلوش مني
انتم الاتنين غلطانين

يا بنات طب انا عاوزة أسأل ينفع يبقى لى باصورد بس وقت استلام الهدايا لكن ممكن اى حد يشترى من كودى عادى بس ولا ياخد مكافات ولا هدايا ؟؟؟؟؟ لأن فيه ناس عرفت كودى بالفعل و قلتلهم لو تحبوا تشتروا بيه

انا يا رورا مش شايفة اني غلط في حاجة و لا مدام حنان كمان الحرص واجب طالما انا معرفهاش و لا هيا تعرفني شخصيا
معرفش افيدك و الله يا عاليا اكيد حد تاني يفيدك

بيتهيألى صعب يعملوا باسورد مخصوص للهدايا
لكن باقى الاوردر من غير حاجة
عشان انتى بتستلمى دا مع دا