عايزين تعويض عن العروض اللى خلصت من اول يوم

انا عن نفسى مش هارضى الا بعرض برفانات تانى او مضاعفة نقط

معاكى

انا مش عارفة هما بيعملوا معانا كده ليه مافيش اى فرص تشجيع شكلهم كده هايخلونا نبطل نشتغل

وانا كمان معاكى عايزين تعويض ياريت يبقى مضاعفه نقاط عشان نقدر نكمل البرامج بتاعتنا ياريت الاداره توصل صوتنا للشركه احنا اتظلمنا جدا فى العروض

وانا كمان معاكم  بصراحة دى حاجة تجنن الواحد يبقى قاعد ع التليفون وبرده نلاقى الحاجة خلصت

تعالو نتفق ان ماحدش يشترى حاجة الشهر ده وديه رسالة بنحاول نوصلهالهم

انا مش عارفة اوريفليم ايه اللى جرارها ما كانتش كده ديه بقت حاجة تزهق

يعنى نتفق ومنشتريش كلنا الشهر الجاى
ولا نعمل ايه

انا عن نفسي عجباني فكرتك يا منه بانهم ينزلوا عرض قوي عن البرفانات الرجالي والحريمي
والله فكره حلوه جدا يا ريت تتنفذ بصراحه هما بقوا بيتعاملوا باسلوب وحش اوي كاننا خدامنهم او عبيد محتاجين لهم
علي ايه يعني كل ده ايه يا شباب هنعمل ثوره اوريفلام

والله العظيم ده تهريج

والله يا جماعه ياريت نعمل ثوره مااحنا بطول مااحنا بنشترىوندفع هم هايعملو اكتر من كدا

بصوا يا جماعة احنا مش هانشترى حاجة الشهر ده الا اذا عملولنا عرض بلاها الهدية اللى هانعمل فينا كده كفايا زل بئى

مش عارفه بس هي فكره يا منه

شكرا على ردك واهتمامك يا استاذ عصام بس انا طلبتهم الساعة 11 الصبح اول يوم العرض وديه مش اول مرة تحصل وبعدين ازاى يبئى عرض شم النسيم يخلص فى ساعة دا حت الكتالوج معظمه خلصان م عارفين نخلص البرنامج

شكرا يا ا\عصام على ردك والمفروض لو ف حاجه نسال وبعدين نشتكى

ربنا يعيننا على القصة دىيا ريت يعنى يعملوا عرض تانى
ويبقى فيه حاجات حلوة
بدل العرض اللى خلص دا

اما بالنسبة للطلب من النت
انا عمرى ما هافكر اطلب تانى من النت بعد اللى حصل معايا
لما اقعد اسبوعين استنى الاوردر بتاعى
وكل يوم اكلم خدمة العملاء ومحدش يسأل فيا
ولا حد يعبرنى ولا يقولى اى حاجة يبقى اسمه ايه
معتقدش ان اى حد ممكن بشوف الموقف الجميل دا
ويطلب تانى من النت

يا ريت والله يعملو عرض تانى فعلا عشان يعوضونا لان العرض ده ما حدش استفاد منه بحاجة

انتى بتتكلمى بجد فى موضوع الاسبوعين امال ايزاى بيئولو بيوصل تانى يوم وانا اللى قولت لو عملو عرض حلو هاجيبه عن طريق النت

والله برافو عليكى احنا كمان مش هانكمل الشهر ده ولا اللى جى الا ازاى غيروا الطريقة ديه ورجعوا زى زمان

يا استاذ عصام احنا مش بنقول حاجه بس زي ماهو الشركه بتعرض منتج الناس تاخده يبقي في نسبه وتناسب بين العملاء وعدد النتجات اللي نازله يعني لو 100 فرد ليهم 100 زجاجه جورداني امامه مش تنزلوا 100 علي 1000 عميل ودي وجه نظري

انا
والله قعدت استنى الاوردر اسبوعين
وقعدوا يجمعوا ويطرحوا فيا
لدرجة انى كنت بشتكة لواحد فى خدمة العملاء قالى انسى بقى الطلبية دى وخليكى فى الشهر الجاى
وانا كان جالى هدية برفان انجيما وكريم الجسم والروج الثلاثى
دا يرضى ميييييييييييييييييييييييييييييييييييييييين
نفسى افهم
وعارفين الطلبية جت ازاى




بالواسطة


وكمان الروج وازازاة البرفان مكسورين
بس الحمد لله
انا عمرى ما هاطلب من على النت تانى
وهاضطر ادفع شحن غالى وامرى لله

غلطاتهم كترت اوى حركة زى اللى عملوها معاكى ديه كان لازم يتجازو فيها دى بئت حاجة تزهق

انا نفسى مرة اطلب الوردر ويجيلى كامل او مافهوش غلطة زمان كان بيبئى متظبط جدا مع انى داالوقت بطلب فى اول الشهر وبرضه مش كل حاجة بتيجى كاملة دااناليا عندهم لب شاين محسوب تمنه فى الفاتورة وماجاش وطلبت اوردرين بعديه وبرضه مافيش حاجة جات بقالى 3 اسابيع لما خلاص زهقت وغمئت معايا فى الاخر بموضوع العرض اللى خلص فى ساعة

اولا السلام عليكم جميعا
ثانيا ياجماعه انا ليه راى مخالف لرايكوا الموضوع مش موضوع تعويض عن عرض لا دى سياسه شركه لازم تتغير لو خدتوا بالكوا من العروض بقالها فتره كبيره سيئه جداااااااااااااااا كانهم بينزلوا عرض عشان الناس تبطل تستنى العروض الداخليه اللى احنا اساسا بنعتمد عليها لان الاسعار غالييييييييه جداااااااااااا احنا عاوزين صوتنا يوصل بالمشكله مش نحل حل موقت العروض سيئه حتى الحاجات اللقطه اللى فى العرض حاجه من اتنين يابيختاروا اسوء درجات المنتجات اللى معليهاش طلب او زى البرفان كده تقريبا مابينزلش عشان يخلص وتلاقى العرض طوييييييييييل عرييييييييييض عباره عن اغمق درجتين كريم اساس اغمق درجه بودر اسوء درجات روج اسبريهات ماسكارا سيئه كل الوانه وحاجات كثير محدش مستنيها يبقى احنا كلنا نطلب مراعتنا فى العروض الداخليه اوريفليم كده كده بتبيع وهى رقم واحد لاننا بنشترى ياعشان جوده المنتجات او عشان الهدايا هما مش هيغلوا المنتجات ويكسبوا ويوم مايرخصوا كمان هيكسبوا بانهم ينزلوا المنتجات الغير مرغوب فيها كده الشركه بتفكر فى الشركه اولا واخير
اسفه لو طولت عليكوا

معاك حق والله يا دعاء انا فعلا بئالى فترة مش بستفيد من اى عرض طاب وبعدين احنا فعلا عايزين حل

احنا مبدايا كده انا واصحابى متفقين ان احنا مش هانكمل الشهر ده الا اذا نزلو مضاعفة او عرض جديد ويكون حلو مش اى كلام والحاجة فعلا تكون متوفرة للكل والعرض يكون على الحاجات الكويسة