اول اوردر ليا ياريت تفيدونى بأرائكم يا خبيرات

السلام عليكم الاول

انا لسه جديده وحبيت اخد رأيكم فى بعض المنتجات فى كتالوج ابريل وبالله عليكو متبخلوش عليا

نبتدى الكتالوج من الاول

1.
روج جوردانى اللى فى صفحة 4 ثابت ويستحق تمنه ولا لا وهل بيروح مع الاكل والشرب
2.
كريم الايدى اللى باللوز صفحة 33 اللى ب 19 جنيه هل بيحمى من الشمس فعلا لأن بنزل بالنهار كتير وايدى بتسمر
3.
روج فيرى مى اللى مرسوم عليه شكل شوز صفحة 44 ايه رأيكو فيه وفى درجة ثباته
4.
والملمع اللى بيدى لون وردى صفحة 45 حلو ولا لا للناس السمر زى حالاتى
5.
الكونسيلر واللوشن ماركة فيرى مى اللى فى صفحة 46 و47 حلوين وينفعونى مع العلم ان بشرتى دهنية الى مركبة وسمرا
6.
كريم موازن للبشرة صفحة 65 الاخضر ده بيعمل ايه
7.
طلاء الاظافر صفحة 107 كده سعره حلو ولا غالى
8.
جيل الحوجب جوردانى صفحة 114 حلو لأنى مش بعمل حواجبى وبضطر كل شوية اسرحهم فهل ده حيحل المشكلة
9.
الماسكات المعالجة للشعر مين جربها فى صفحة 120 و121 وفى كمان واحد باللبن وجوز الهند صفحة31
10.
عايزاكو ترشحولى مجموعة تنظيف للبشرة هل اخد مجموعة شجرة الشاء ولا بيور سكين ولا اوبتيمالز وانا قولتلكو ان بشرتى دهنية الى مركبة والحمد لله مش بيطلعلى حبوب خلاص بس عندى اثار حبوب من زمان
11.
واخر حاجة عايزة ماسكارا حلو مع العلم ان رموشى قصيرة والوتر بروف احسن ولا المسكارات العادية

اسفة لو طولت بس انا بتمنى تساعدونى
وربنا يكرم كل اللى يرد عليا ويحققله كل امانيه