طريقع عمل المينى كرواسو

المقادير

كوب ونصف دقيق ابيض
كوب دقيق ذره اصفر
كوب زبادى
نصف كوب حليب
نصف كوب زيت
املعقه بكنج بودر
خميره
ذره ملح
2 ملعقه سكر

الطريقه

تخلط المواد الجافه ( الدقيق الابيض - الدقيق الاصفر - الملح - السكر - البكنج بودر )
ثم يضاف باقى المواد السائله ( اللبن - الزيت - الزبادى - الخميره بعد ان تذاب فى ماء بسكر )
تعجن لمده 5 دقائق ثم تترك لتخمر
بعد ان تخمر تفرد على شكل دائره وتقطع مثلثات وتحشى ( مربى - جبن شيدر - جبن رومى - شكولاته )
ثم تلف من قاعده المثلث حتى الرأس
بالهنا والشفا وان شاء الله تعجبكم

طيب ياقمر تترك لتخمر وقت اد ايه؟
ودرجه حرارة الفرن كام؟
والوقت الللى فى الفرن؟
وسمك العجينه ؟
وشكرا ليكى ياعسل

اولا تترك تخمر اى وقت انتى عوزاه بس مش اقل من نص ساعه وبعدين العجين لما يخمر هيرتفع ودرجه حراره الفرن زى اى مخبوزات او مكرونه 190 او 200
والوقت الى فى الفرن لحد ما تحمر بس متعليش درجه حراره الفرن علشان متكونش بايه من جوا
والسمك لا رفيعه جدا جدا ولا مليانه وسط يعنى علشان لما تلف فوق بعض متبقاش تخينه متستواش ولا رفيعه تتحرق بسرعه
العفو يا قمر ويارب تعجبكم

هو طبعا مش زى الى برا خالص بس هو حلو مش وحش على الاقل اضمن وانظف وانا جربته وعلشان كده كتبتلكم الطريقه بس جيت انزل الصوره منزلتش مش عارفه ليه

كان نفسى اشوف الصورة
لكن ان شاء الله هجربها وانتى وحظك يا اما هدعيلك يا اما هدعيلك ان شاء الله pirat

ميرسى يا قمر على المجهود

» المينى كتالوج