عايزة حل لتقصف الشعر

بقولك ايه ياسيكريت انا هعمل الوصفه اللي قلتي عليها وهمشي معاكي فيها لحد ما ندخل للخطوة اللي بعدها
بصي ع النت قريت ان زيت الجوز هند الصلي ده عند عطار او في سوبر ماركت كبير
انا ان شاء الله هدور عليه وهقولك لقيته فين عشان لو حد من قرايبك يعرف يوصلهولك زي ما قلتي

وان شاء الله اتابع معاكي عشان نمشي في الخطوات مع بعض ونشجع بعض ,خاصه انك تقدري تبقي بتتواصلي مع حد متخصص
ربنا يكرمك ياقمر

وانا برضه ان شاء الله هكون معاكم فى الوصفه دى وان شاء الله يبقى ف طريقه لحل المشكله الشعر دى عشن انا مضايقه جدا وبستعمل فيتامين وربنا يكرم

انا عايزة اجيب الفيتامين اللي قلتيلي عليه يامروة بس الفتره دي باخد ادويه فمعنديش استعداد اخد اي دوا تاني

وان شاء الله لو وصلت لجوز الهند هقولكم جبته منين
والله المستعان

يا بنات عايزة أقولكو أننا بنتعامل مع شعرنا غلط ودة الى بسبب التقصيف
بصو هاقولكو كدا على شويه حاجات ويارب أقدر أفيدكو
أولا مانسرحش الشعر وهو مبلول ونتعامل معاه بالراحة خالص لحد ما ينشف
ثانبا نبطل المشظ البلاستيك ونستخدم مشط خشب واسع نوع كويس ومايكونش الخشب بتاعه بينتش
ثالثا نقص أطراف الشعر كل 45 يوم أو الأحسن كل شهرين فى نص الشهر الهجري ونجيب مقص جديد لانج ومانستخدموش فى أى حاجه نهائي ولا حتي نقص بيه فتله تخلي المقص دة لشعرك وبسسسسسسسسسس عشان مايقصف الشعر
وتتعاملي مع شعرك بالراحه يعني ما تشديش شعرك جامد وماتربطيش شعرك بأستيك ولا تحطي بنس الشعر لأن الحاجات دي بتقصف الشعر ولو عايزة تلميه يبقي توكه واسعة ومتخليش شعرك مشدود أبدا وتسيبي شعرك وأنتى نايمه ودايما تغيري فرق شعرك ماتخليهوش متعود على فرق واحد على طول
ولما تيجي تسلكي شعرك تبتدي من تحت لفوق
تمسكي المشط وتسلكي من تحت خالص وتبتدي تطلعي سنتي بسنتي عشان ماتقطعيش شعرك وتقصفيه
وكل يوم الصبح وبالليل تعملي تدليك لفروة رأسك لمدة 5 دقايق على الأقل وممكن تستخدمي نقطتين من أى زيت بيرتاح عليه شعرك

والى بتسأل على زيت جوز الهند أنا كنت باجيبه من بورسعيد وهو فعلا كان بيجمد فى الشتا وهو مش فى زجاجه لا في علبه كدا زي السمنة وفعلا هو دة الأصلي

شكرا جدا ياسوفي انا تقريبا بعمل اغلب اللي قلتي عليه بس ناقصني كام حاجه كده هعملهم برضه يمكن ربنا يكرم
وتسلم ايدك ياقمر

جزاك الله خير وان شاء الله نعمل بكلامك ده الواحد فعلا كل يوم بيتعلم

للحفاظ على الشعر من التقصف مفروض منقعدش قدام التليفزيون والكمبيوتر كتيررررررررررررررررر لان الحاجات ده بتشحن الشعر بشحنات وتخلية يتقصف ويقع المفروض نغطى شعرنا بحاجة قطن تحمى من الموجات والشحنات ده

بجد الموضوع ده دانا فاكره من المويا الحاره وانى بسرحوا على طول بعد ما اطلع من اشاور بتاعى

ميرسى ليكم يابنات
انا فعلا برضو بعمل معظم الحاجات دى
وادينى كمان جبت العلاج اليلى من هير اكس اللى قالت عليه لالا يارب يجيب نتيجه مع اهتمامنا بالشعر كمان
بس كنت عاوزه اعرف استخدمتيه ازاى عادى يعنى ارش على اطراف شعرى قبل ما انام ويكون مغسول ولا مش لازم والفه ولا اسيبه واسرحه بيه ولا ايه بالظبط
ياريت اللى جربوه يقولونا نستخدمه ازاى

لا ياساسو يا حبيبتى من غير ما تغسلى شعرك عادى خالص انا رشيته على الاطراف وعادى لميته عادى والصبح لاقيت شعرى قفلت كل الاطراف

طيب على كده المجموعه كلها هير اكس الاصفر حلوه ولا ايه للشعر (الشامبو والبلسم)

ميرسى ليكى يا لالا

محدش رد على سؤالى معلش ارجوا الرد

مش عارفه والله ياسيكرت زيي زيك!

انا جبت شامبو وبلسم دوف للشعر شديد التلف المتكسر والمتقصف

وحاليا جاري البحث عن زيت جوز الهند

وهشوف الهير اكس ده

اخيرا لقيت زيت الجوز هند الأصلي

سيكريت بلييييييييييييييييييييييييييييز قوليلي الوصفه بالتفصيل الممل عشان عايزة اعملها

لقيتيه فين

عند عطار في الدقي

انتي منين؟

مبروك يا سوبى إنك لقيتيه
طب إسم العطار إيه علشان أقدر أجيبه ؟
وكام سعره

بصى ياستى الوصفة ببساطة بتجيبى الصبار اللى ورقته طويلة ومسحوبة من فوق
يعنى تخينه من تحت وطالعه على فوق ببوز زى شكل ال 8 كده من فوق
بتجيبى الورقة وتشيلى الشوك وتقشريها وتقومى فتحاها من النص وخللى بالك البسى جوانتى وانتى بتعملى الكلام ده علشان طعم الصبار المر بيلزق فى الايد فترة
وبعد ماتفتحيها تاخدى الجل كله اللى جواها
وتحطية فى أى حاجه على النار ومعاه 3 كوبايات من زيت جوز الهند وتسبيهم لحد مايغلوا لمدة خمس دقايق بس مع التقليب
وتسبيه لحد مايبرد
وتستخدميه قبل ماتغسلى شعرك لمدة ساعتين او تلاته
زي حمام الزيت مرتين فى الاسبوع
وياااااااااااااااارب يجيب النتيجة المرجوة باذن الله

وقولولى حد يعرف حاجه عن زيت الحشيش وكيمونوموتو اليابانى وبرشوب الهندى

بصي ياسيكرت انا لقيته عند عطار في شارع الدقي قبل مطلع كوبري الدقي من ناحيه الجامعه قدام سمير وعلي بس الناحيه التانيه
يعني هو علي شارع الدقي الرئيسي قدام سمير وعلي وان شاء الله هجيبلك اسمه لما اعدي عليه المره الجايه عشان هو جمب شغلي ومخدتش بالي من اسمه

اداني نوع قالي ده احسن واحد الأزازه 100 مل وفعلا كانت متجمده خالص ولونها ابيض ب4 جنيه ومكتوب عليها ان الشركه اللي عملاها عطاره تقريبا في الغوريه اللي في الأزهر
وقالي لو جيتي تاني تاخدي منها قولي للي واقف لو مش انا عايزة زيت الحناوي(دي اسم الشركه اللي عملاه)

المهم انا فعلا فضيت الصبار زي ما قلتي ودفيت الأزازه في ميه لحد ما الزيت ساح بعدين حطيتهم مع بعض علي النار لحد ماغلي وكنت بقلب,الصبار فك كده واختلط بالزيت بس بدل ما كان اصفر بقي بني شويه
المهم شلته من النار ولما برد حطيته في برطمان في الثلاجه
صح كده؟؟؟

المفروض ادهن منه زي الكريم كده واسيبه ساعتين؟؟؟؟

بصي بالنسبه للزيوت اللي بتسألي عليها
انا معرفش غير الحشيش جربته هو كويس

انتي فين ياسيكرت ردي علي سؤالي بليييييييييييييييييييييييز

انا اسفه ياسوبى خاااااااااااااااااالص اتاخرت عليكى
بصى ياستى اتنى كل ماتيجى تستخدميه تاخدى الكميه اللى محتجاها وتحطيها فى حاجة والحاجة دى تتحط فى ماء مغلى علشان الصبار والزيت يفكوا علشان تقدرى تمشيهم على شعرك وهما دافيين
تمام كده

قوليلي ال 100 مل عملوا كوبايه مثلا ؟
وهستنى منك اسم العطار
وتسلميلى يا حبيبتى

ولا يهمك ده انا مستنياكي من امبارح عشان اعمله

انا حطيت الأزازه كلها علي 3 اوراق صبار وبعدين حطيتهم في علبه فاضيه عندي(ايزي سويت الصغيره)واتملت علي الأخر

طيب ايه رأيك ما طالما هنحطه دافي او سايح ما كل مره اجي اعمل اقوم عامله جديد صبار علي زيت علي قد شعري واغليهم ولما يبردوا احطهم
متهيقلي كده اسهل ولا لازم يبقوا متجمدين مع بعض وافكهم

انا من الوادى بس حاليا ف السعوديه

اه يبقي مش هتعرفي تجيبيه من الدقي يامارو
ربنا يرجعك بالسلامه

بصي يا سيكرت
انا طبعا متشكره قوي لمجهودك معايا بجد

انا اكتشفت ان اللي قلتيهولي في الأول احسن هقولك ليه لأني انهارده لما جيت اعمله اخدت معلقه واحده بس من العلبه وسيحتها وكفت شعري كله

بالنسبه للصبار بقي فأحنا عندنا صبار زرعينه في البيت زي اللي وصفتيهولي
وحسيت انه مش بينزل جل كتير فحسيت ان 3 كويس مع كميه زيت الجوز هند
انا كمان حطيت في الأخر حبه زيت خروع مش عارفه انا كده بهبل ولا ايه بس الخروح بيطلع الشعر فقلت احط بس مرضتش اغليه معاهم لما شلتهم من ع النار ضيفته وهما بيبردوا

يارب يجيب نتيجه يارب

واذا مكانش فيها رخامه هتابع معاكي

وبجد متشكره ليكي قوي قوي

صحيح ماما لما حكيتلها كانت طالبه منك خدمه:كانت عايزاكي تسأليلها خبيره التجميل عن حاجه لشعرها,هو شعرها كان جاله فتره بيتساقط قوي لدرجه ان فروة راسها باينه جدا من كتر ما شعرها خفيف
وعايزاه يطلع ومش عارفه تعمل ايه

معلش استحمليني يانهي وربنا يجعله في ميزان حسناتك يا قمر

هو عادي اي حد يكلمها؟؟؟؟