لهواه التصوير الفوتوجرافى ساعدونى والنبى

يا جماعة عايز مساعدتكم فى موضوع قديم شوية انا جالى كاميرا تصوير فوتوجرافيا من نوع ياشكا كوارتز دى ماركة يابانى اتضح انها مشهورة جدا بس لحسن حظى انها موديل 1981 يعنى جديدة لانج وانا بصراحة مستخسر ابيعها عشان هى جديدة وكاملة ناقصها الحجارة والفيلم بس وانا دورت على النت وعرفت انها عايزة حد فاهم ومتخصص فى التصوير الفوتوجرافى عشان يعرف يتعامل معاها أصلها مانيوال ولازم كل حاجة تظبتها بنفسك واختيارتها كتييييييرة قوى بس ونزلت محطة الرمل النهارده عشان اعرف عنها اى حاجة محدش فادنى وهروح شارع شاكور يمكن الاقى الحجارة بتاعتها بس لما أفضى أنا بقولكم عشان لو حد يعرف حاجة عنها أوى ليه قريب مصوراتى يعرف يفيدنى انا عارف انها قديمة قوى بس انا نفسى اشغلها واعيش جو التحميض والافلام بتاع زمان ده ويا سلام بقى لو طلعت ابيض واسود عشان انا معرفش هى الوان ولا لأ بدال جو الكاميرات الديجتال ده والحياة سهلة ولذيذة وانا هحط صورها عشان اسهلكو الموضوع يلا بقى ساعدونى

يارب جد يفيدك يا نادر ان شاء الله ده انت ياما افدتنا

ممكن انت تروح بيها لاي مصور بعد ما تلاقي الحجارة وهو يعلمك كيفية التعامل معاها
اكيد هيبقى خبرة اكتر مننا وخصوصا لو كان كبير في السن

على فكرة أجمل صور بتتلقط بالكاميرات دى غير أن المعارض اللى بتتعمل برة بتقوم عليها عشان تبين مهارة الفنان بس الجمال فأختيار المنظر مثلا وش فلاح مليان شقى السنين أو مركب مركونة كة عالشط أو سوق مثلا أة ياهه من زمان مصورتش بكاميرا عادية بس اللى كانت عند بابا كانت سحب أوتوماتك بس أنت اللى بتظبط الاضائة وكدة يعنى دلوقت ألقط وأجرى وهى تظبط بجد من غير متعة ولا تعب

انا هدور على مصوراتى يكون هربان من الحرب العالمية او هوجة عرابى عشان يعرف يعلمنى وانا قريت ان الكاميرا دى فيها خاصية تصوير بورتريه يا رب يكون الكلام ده صحيح عشان انا بحب البورتريهات اوى

lمش للدرجة دى بس بجد لو أتعلمت التصوير هتشوف حجات غير الناس وخصوصا لو عندك أستعداد وغير كدة أحساس الفنان

معلش أصلك جيت فملعبى
أنا كنت فنانة تشكيلية كبيييييييييييييييرة زمان بس الفرص معروفة فمصر وخصوصا للبنات رغم أن لواحد كان دايما بجيب مراكز عالية طول ال4سنين للكلية بس هتقول اية
خلينا فالكام بتاعتك أبقى نزل الصور عشان أتأكد منها وأنا أعرف ستوديو هنا كان زمان بيشتغل بيها بس دلوقتى عندة بقت حتة ديكور هى وكام وحدة كمان وكان بيقول عليها غالية قوى

لو المشكلة فى احساس الفنان متقلقيش الأحاسيس كتير انتى ناسية انى بكتب شعر هى بس تشتغل وانا ههريها احاسيس وبالنسبة للصور انا منزلها فى المشاركة اللى بعد الموضوع على طول هى مش شغالة ولا ايه

والكاميرا دى غالية قوى يعنى بكام يعنى ممكن ابيعها واشترى بفلوسها شقة ولا ايه

غالية قوى أيامها ياحج
ومعلش الصور مش باينة عندى

نادر الحداد كتب:

انا هدور على مصوراتى يكون هربان من الحرب العالمية او هوجة عرابى عشان يعرف يعلمنى وانا قريت ان الكاميرا دى فيها خاصية تصوير بورتريه يا رب يكون الكلام ده صحيح عشان انا بحب البورتريهات اوى

ههههههههههههههههههههههه
مش للدرجة دي يا نادر
بس المهم تحافظ عليها لغاية ما تكمل 100 سنة وسجلها في هيئة الاثار

ماشى ماشى انا غلطان انى بفكركو بتاريخ اجدادكو