لو شاطر تعرف تعيش ف مصر ب 1000 جنيه

لو شاطر... تعرف تعيش فى مصر بـ 1000 جنيه ! ! !
البيان	مصروف يومي	مصروف أسبوعي	مصروف شهري	ملاحظات
عيش بلدي	1		30	بس لازم تلحق دورك فى طابور الفرن وتلحق شغلك فى نفس الوقت ربنا معاك
حليب	4		120	عدد واحد لتر يومياً ويارب ميطلعش بودرة سيراميك ويكفى العيال
فول		8	32	كيلو فول اسبوعيا يعنى 125 جرام يوميا رضا والحمد لله
جبنة بيضاء		20	80	كيلو في الأسبوع 125 جرام يوميا انت عايش
بيض		5	20	عبارة عن 10 بيضات فى الاسبوع يعنى لو اربع افراد يبقى بيضه ونص يوميا للاربعة
خضار		10	40	عبارة عن صنف واحد بس + كيلو طماطم + لمونه وحزمة جرجير اسبوعيا
فواكهه		5	20	عبارة عن كيلو برتقال أو قشر موز مرة اسبوعيا علشان العيال تفتكر اسمة
شاى			10	لزوم الكيف اللى بيذل والضيوف الرزلين
سكر		4	16	عدد واحد كيلو اسبوعيا مش بقولكم الكييف يذل وضيوف معندهمش دم
ارز		4	16	عدد واحد كيلو اسبوعيا للعائلة كلها يعنى 125جرام يوميا متوسط الفرد 40 جرام
زيت		10	40	لتر اسبوعيا علشان تشرب بق على الريق يزيت معدتك 000 يستعمل كبديل للخضروات
مكرونه		8	32	عبارة عن عدد 4 كيس 400 جرام اسبوعيا 0000 خلى العيال تنبسط
دجاج		20	80	عدد واحد دجاجة اسبوعيا للعائله 000000 اظن معقول
لحم		30	120	عدد واحد كيلو لحم اسبوعيا لزوم صنف الخضار واللمونه وحزمة الجرجير 000 الف هنا
بقوليات			10	عبارة عن كيلو واحد بس شهريا ونقى اللى بتحبه براحتك ( عدس - لوبيا - فاصوليا )
توابل			10	عبارة عن دقيق + ملح + كمون + فلفل + كسبرة + وممكن تديها خل براحتك
صابون			15	عبارة عن صابونه واحدة للحمام + صابون مواعين + مسحوق للملابس ( النظافة عموما )
مواصلات	2		60	بعد طابور الفرن تركب أتوبيس الهيئة ذهاب وعودة وبهدله وفرهده لفرد واحد يوميا
حلاق			10	عبارة عن حلاقة الشعر + ماكينات حلاقة الذقن ( طبعا متنساش انت جبت صابونه للحمام هى هى الصابونه اللى هتحلق بيها دقنك ( نعيما ياباشا )
مدرسة		10	40	عبارة عن مصروفات المدرسة + مصروف العيال اليومى + كراسات واقلام وجلاد 00ألخ
دكتور			30	نمرض بالدور طبعا عدد اربع افراد مرة واحدة للفرد كل 4 اشهر وربنا يستر
ادوية			50	أكيد طبعا العلاج بالدور وربنا يستر واتنين ميمرضوش فى وقت واحد تبقى كارثه
تليفون			10	اشتراك الهيئة هنرد بس ومش هنتكلم معدش ينفع كلام
مياة			10	للاسف لازم نشرب مياة ملوسة بالمجارى
غاز			5	الحمد لله غاز طبيعى الله فى عون اللى عنده انابيب ( 10 جنيه للانبوبه ) وممكن تطلع فاضية
نور			20	لمواكبة التطور غساله ملهاش مسحوق - تلاجة فاضية - بوتجاز يستخدم مرة كل اسبوع
قمامة			10	اجبارى طبعا ومن الواضح ان العشة دى مفيهاش اكل اساس يبقى القمامة هتيجى منين
بواب			15	مهو من حقه يعيش هو كمان لو عشر شقق يبقى 150 جنية شهريا خليه يهيس
صيانة			30	لاصلاح الاجهزة بالدور غساله - سخان - بوتجاز - مروحه - تلاجة - سباكة - لمبات انارة الخ
ملابس			100	عبارة عن الصيفى والشتوى داخلى وخارجى واحذية وشربت وكلونات واتصرف بقى
الاجمالى			1081	اكيد اللى هيخليك تعرف تعمل الكلام اللى فوق ده هيخليك تتصرف وتضغط مصروفاتك شويه علشان تبقى الحسبة 1000 جنية اقولك متمرضش ومتخدش ادوية وشيل 80 جنية معلش ربنا يقويك وينصرك على من يعاديك ويكفيك شر المرض
ايجار الشقة طبعا قانون جديد وللاسف ملهوش قانون كل واحد وبخته ومش هنحسبها كل واحد يقعد عند امه وبالمناسبة
عيد الام ربنا يخليها ويديها الصحه		0		كل سنة وهى طيبة
عيد الكحك	مضر وملهوش لزمة	0		كل سنة وانتم طيبين
عيد اللحمة	مضر وملهوش لزمة	0		كل سنة وانتم طيبين
حلاوة المولد	السكر مضر وملهوش لزمة	0		كل سنة وانتم طيبين

لو شاطر... تعرف تعيش فى مصر بـ 1000 جنيه ! ! !
البيان	مصروف يومي	مصروف أسبوعي	مصروف شهري	ملاحظات
عيش بلدي	1		30	بس لازم تلحق دورك فى طابور الفرن وتلحق شغلك فى نفس الوقت ربنا معاك
حليب	4		120	عدد واحد لتر يومياً ويارب ميطلعش بودرة سيراميك ويكفى العيال
فول		8	32	كيلو فول اسبوعيا يعنى 125 جرام يوميا رضا والحمد لله
جبنة بيضاء		20	80	كيلو في الأسبوع 125 جرام يوميا انت عايش
بيض		5	20	عبارة عن 10 بيضات فى الاسبوع يعنى لو اربع افراد يبقى بيضه ونص يوميا للاربعة
خضار		10	40	عبارة عن صنف واحد بس + كيلو طماطم + لمونه وحزمة جرجير اسبوعيا
فواكهه		5	20	عبارة عن كيلو برتقال أو قشر موز مرة اسبوعيا علشان العيال تفتكر اسمة
شاى			10	لزوم الكيف اللى بيذل والضيوف الرزلين
سكر		4	16	عدد واحد كيلو اسبوعيا مش بقولكم الكييف يذل وضيوف معندهمش دم
ارز		4	16	عدد واحد كيلو اسبوعيا للعائلة كلها يعنى 125جرام يوميا متوسط الفرد 40 جرام
زيت		10	40	لتر اسبوعيا علشان تشرب بق على الريق يزيت معدتك 000 يستعمل كبديل للخضروات
مكرونه		8	32	عبارة عن عدد 4 كيس 400 جرام اسبوعيا 0000 خلى العيال تنبسط
دجاج		20	80	عدد واحد دجاجة اسبوعيا للعائله 000000 اظن معقول
لحم		30	120	عدد واحد كيلو لحم اسبوعيا لزوم صنف الخضار واللمونه وحزمة الجرجير 000 الف هنا
بقوليات			10	عبارة عن كيلو واحد بس شهريا ونقى اللى بتحبه براحتك ( عدس - لوبيا - فاصوليا )
توابل			10	عبارة عن دقيق + ملح + كمون + فلفل + كسبرة + وممكن تديها خل براحتك
صابون			15	عبارة عن صابونه واحدة للحمام + صابون مواعين + مسحوق للملابس ( النظافة عموما )
مواصلات	2		60	بعد طابور الفرن تركب أتوبيس الهيئة ذهاب وعودة وبهدله وفرهده لفرد واحد يوميا

اعذروني للخبطة اللي حصلت دي الجهاز هنج والدنيا مظبتطش معايا
وده باقي الموضوع

ورمضان كريم وخيره كتير
أخ خ خ نسيت احسب زكاة الفطر بس مش عارف هدفع ولا هأخد ؟
عموما هقولكم على قائمة الممنوعات والمحظورات 000 متقربوش منها علشان تعرفو تتنيلو وتكملو الشهر
ممنوع عنك الحلاوة والمربى والعسل والزبدة وكافة انواع الجبن عدا ماذكر فى التعيين ( الجبنه البيضا )
المعلبات تونه بلوبيف لانشون سالمون فول وطبعا البسطرمة والزيتون والمخللات ممنوووووووووووووووع
اوعى قلبك يحن لعيل من العيال وتجيبله شيبسى ولا ببسى أو كراتيه ونايتى عسلية بسكوت شيكولاته اياك ومنتجات العيال الصغيرين حتى لو حليب بالفواكهه او لبانه وجيلى كولا وهوهوز حتى الشيتوس يتفرج على الكرتون بتاعه فى التليفزيون ومتخليهوش يتفرج على الاعلانات بين الفاصل
احظر اللحوم بانواعها البفتيك والاستيك والرقبة والموزة واللوزة كله كلام فاضى خليك فى تعيينك الاسبوعى
ومتنساش ان البانية والفليه من الممنوعات ومتقربش ومتمشيش فى الشارع جنبك كنتاكى وهاردييز وهاربيز وتكه ومؤمن وكوك دور واياك من السندوتشات عموما زى الطعمية والبطاطس والبذنجان الحجات الحلوة دى مش مطلوبه تعملك حموضه وهتحتاج فوار واحنا منعناه مع الدوا وطبعا مش محتاج اقولك وافكرك انك ممعكش فلوس علشان يبقى نفسك فى سندوتش فرنساوى مليان كبدة اسكندرانى ولا مخ
خليك واقعى وانسى المحمر والمشمر واللب والسودانى والتسالى بانوعها والمحمصات والمقرمشات والمكسرات بانواعها يالعربى انت زى العصفورة تاكل عيش ودنيبة رز وتشرب ميه عمرك سمعت عن عصفورة ركبت دش أو وصلت نت او حتى فكرت تاكل ترمس او تشرب حمص كله كلام فاضى ممنوع ياسيد
اهم حاجة مترحش لدكتور متجبش مدرس ولا ادوية واياك من المعجنات زى البيتزا والفطائر ومش محتاج افكرك ان البسبوسه والجلاش والكنافة والقطايف والجاتوة والشاتوة والتورت وام على وصوابع زينب ورموش الست والكحك والغريبة ممكن تستغنى عنهم
طبيعى انك مش هتقرب من الفواكهة خالص البرقوق المنجو البطيخ الفراوله الكيوى الخوخ العنب التفاح حتى الكاكا والحرنكش والنبأ والقصب والدوم والتوت ممنوع سيادتك
وطبعا معجون الاسنان والحلاقة والشامبو والبلسم كلها رفهيات ملكش فيها زى البصل والتوم والبطاطس كلها اساسيات ملكش فيها برضه ومتنساش تبعت الميل للناس اللى تعرفهم هما اكيد زيك محتاجين شوية نظام مش اكتر هما غلابة وفكرهم يقولو لعيالهم لو شافو مسلسل فى التليفزيون مليان بهرجه ان دى قصص خياليه كانت فى العصور القديمة فترة من الزمن و ان الواقع زى ماهما شايفيين حتى الاعلانات حاولو تفهموهم انها مجرد الوان مبهرة وتكنولوجيا فى علم التصوير وتخيلات ممكن تحصل بعدين زى ماحصل فى امريكا وكندا وفرنسا والمانيا واوربا كلها وان الحجات دى علشان لما الناس دى يجو عندنا يلاقو منها ويعرفو يعيشو هى مش لينا دى ليهم هما اصحاب البلد ولازم ينبسطو
عموما لو على الكلام مش هيخلص روح الحق طابوووووووووووووووووووووووووور العيش تبقى نصيبة لو عطلتك ورحت لقيت الفرن شطب

وفين الموظف الى بيقبض 1000جنيه ديه رفهيه زياده عن اللازوم
وبعدين عندك تعديلات
السكر ب6.5
البيض بـ0.75قرش الوحده
اللبن ب5.5
الميزنيه خرمت تانى
الله يكون فى عون الموظف الى دخله فى الشهر مش بيعدى 500جنيه
وعنده طفلين وله تلاته او حتى واحد
ياترى ده بيعمل ايه وبيعيش ازاى

samsam85 كتب:: وفين الموظف الى بيقبض 1000جنيه ديه رفهيه زياده عن اللازوم
وبعدين عندك تعديلات
السكر ب6.5
البيض بـ0.75قرش الوحده
اللبن ب5.5
الميزنيه خرمت تانى
الله يكون فى عون الموظف الى دخله فى الشهر مش بيعدى 500جنيه
وعنده طفلين وله تلاته او حتى واحد
ياترى ده بيعمل ايه وبيعيش ازاى

تفتكرى يا سمسمة بيعمل ايه؟؟؟؟؟؟؟ لو شاطر تعرف تعيش ف مصر ب 1000 جنيه 156602

هو طبعا حاشا انه يكون بيفتح درجه للأتاوه الأجباريه لو موظف وألا الشغل عمره ما هيمشى
وحاشا وكلا أنه يكون بيلم جباية من سواقين السيارات وخاصة التاكسى تحت بند غرامة (وبدون أى سبب)لو هو ضابط وشوية الهبيشه اللى معاه وألا الرخص قول عليها كل سنه وانت طيب
وحاشا وكلا ولا يجوز لو أنسان شريف بس بيحاول يلقط رزقة بشغلانه تانيه جنب شغل الحكومة علشان ميشحتش هو وعياله لان الحكومة لا تسمح بتعدد الوظائف
ومليون حاشا أنه يكون مدرس ويقعد لحد 1 و2 بالليل يدى فى دروس وصلت ل100 ج فى الساعة (معرفش يعنى هيخترع الذرة ولا هيدى العيال الامتحان) والأ هيصتأصد الواد وهيعقده فى حياته فى الفصل حتى لو الواد شاطر ومش محتاج
وأوعى حد يتكلم عن التجارلو سمحت وأخلاقهم النبيله دول بقى حاشا وحوش اللى عايشيييين حياتهم فى الجشع والطمع ومش لاقيين حد يقولهم عيب ولو عجبك !!!!
وحاشا فى حاجات تانية كتتتتتتتير
وصدق المفتى على جمعة عندما قال من سنتين تقريبا أن رب البيت اللى مرتبة 1000 ج تجوز له الزكاة
وأهى عيشة وربنا يعيننا عليها جميعا ويغنينا بحلالك عن حرامك
أمين يا رب العالمين

على فكرة يا سمسمة انتى تحفة ودمك زى الشربات
اسمحيلى اقولك انتى فقرية

يلا الناس هتعمل اية ربنا يعين الناس على اللى هما فية
بس نسيتى حاجة
الواد كبروعايز يتجوز ولازمله شقة وجهاز وغيرة وغيرة
والبنت كبرت وعايزة تتجوز ولازملها جهاز هى التانية
وتعملى اية بقى لو انتى معاكى اربع بنات هتبيعى هدومك
ملحوظة احنا 4 بنات وولد rabbit

الله يكون فى العون بجد فى نس مش بتلاقى تاكل واحنا ولا بنحس بيهم لان فى ناس مرتبه 300 و 400 جنيه يارب يكفى العيش الحاف بس ربنا مبينساش حد سبيها لله وربك هيعدلهاومضاقت الا لما فورجت
اللهم وسع رزق الجميع

معلش ياسمسم أصل البيان ده كان ف الوزارة القديمة فمسارش عليه التعديل
وياسارة ماهو رب الاسرة اصلا مش هيستنى لما عيالوا يتجوزوا هيكون جالو شلل وهتتسلم زمام الامور للي اتجنن وجه يخطب بنته يشيل هو بقى
هو طبعا في الاول هيحاول يحط عقبات من باب النصيحة لو مرجعش بقى وصمم يتجوز.. يلبس بقى
ههههههههه
ماهو ده الهم اللي يضحك

مش بقولك انك عسل
bball
بس بالرغم اننا 4بنات وولد لكن الحمد لله الحالة متيسرة
والواحد لازم يحمد ربنا على كل حال لوبصيتى للناس فيه اسوأ كتير وربنا يعينهم بجد Basketball

اه والله ياسارة
ربنا يعين الجميع ويرزقهم من حيث لا يحتسبوا واهم حاجه يبارك لنا فيما رزقنا
والحمد لله على كل شئ

امين يارب العالمين اللهم بارك للجميع فيما رزقتهم

ههههههههههههههههههههه حلوة جداً تسلم إيديك يا قمر
ربنا يوسع رزقنا و يصلح أحوالنا جميعاً

لو شاطر تعرف تعيش ف مصر ب 1000 جنيه 10157

اللهم اميييييييييييييييييييين

» 10 نصائح جدّد حياتك ، ونوّع أساليب معيشتك ، وغيّر من الروتين الذي تعيش
» كوبون100 جنيه
» اشتري ب200 جنيه
» لاسنان بيضا ب 2 جنيه بس
» ياجدعان ايه اخبار المجموعه ام 100 جنيه