استفسار بخصوص كريم التفتيح اولاي بخلاصه التوت البري

السلام عليكم
كل سنه وانتم طيبن
عندي استفسار مهم جدا من قمرات المنتدي الي بصراحه دايما يفدوني
انا عايزة اشتري كريم اولاي لتفتيح البشرة حد مجربه وياريت تفيدوني هو كويس ولا مضر بالبشرة علشان سمعت عنه كل كتير
وياريت الي عندها اشترته منين ؟
وسعره كام ؟
وبجد كويس ولا بيعمل مشاكل في البشرة وازاي اميز الاصلي من التقليد

بليز محتاجه ردكم ضروري

السلام عليكم galaxy انا جربت كريم اولاى بالتوت هو حلو وكمان وانتى حطاه بيدى تفتيح طبيعى وثابت ومنظر رائع ودورت عليه بعد ما خلص ملقتهوش ولقيت بدالة لوشن سريع الامتصاص هو هو بس لوشن المهم هو ينفع لجميع انواع البشرة ماعدا الدهنية وانا بشرتى دهنية فعطيتة لماما مش قادرة اقولك باة سحر على بشرتها شال البقع وبيض وشها وبقت كانها حاطة كريم اساس فهو جميل وانا استعملتة على جسمى حاجة جميلة جدا برضة اتوكلى على الله واشتريه وان الله يكون جميل

كريمات اولاي تحفة بجد انا اشتريت المجموعة كاملة بتاعت اللي سنهم عشرين فيما فوق بس مجبتهمش من مصر لان اللي بيتباع في مصر تقليد او بمعني اصح مش نفس الجودة انا جبتهم كلهم من دبي بحوالي 1400 جنية مصري طبعا قبل مااتجوز جبتهم واللي انتي بتسالي علية اللي بالتوت البري تحفة خصوصا في الشتا وسعرة حوالي 25 جنية او 30 في مصر لكن برة مش عارفة بكام لان المجموعة عارفة سعرها علي بعض حطية قبل ماتحطي الميكب وخلي وشك يتشربة وبعد كدة حطي كريم الاساس والبودرة
اما بالنسبة لفاطمة الزهراء فية نوع جديد نزل اعلانة اليومين دول اسمة اولاي ناتورال وايت دة للبشرة الدهنية اكيد هيبقي جميل برضو انا بعت اسمة وصورتة لبابا علشان يجيبة من السعودية عشان هو في الحج عقبالنا جميعا ربنا يكرمنا بالحج
يارب اكون عرفت اوصلكم قصدي

شكرا يا ayoyo وان شاء الله اجربه

عقبالنااااااااااا يارب كلناااااا كدا لما نروح الكعبة
انا بقة معجبنيش كريم اولاى بتاع التفتيح اساسا حاسة كريم اساس مش تفتيح

ميرسي بجد تعبتكم معايا
بس انا سالت عليه في صيدليه سيف قالولي ان فيه مصري وفيه ايطالي بصراحه انا سمعت انه موجود في الصيدليات الكبيره زي سيف والعزبي لو لقيته اجيبه ولا اصرف نظر وحد عنده فكرة عن كريم زيه لان انا بشرتي دهنيه
وسعره كام هنا الاصلي ؟

وكمان يا فاطمه اسمه ايه الوشن سريع الامتصاص ده من مجموعه اولاي ولا نوع تاني؟
ميرسي ليكي

» استفسار بخصوص كريم الاساس
» كريم اساس التفتيح اللي في العرض
» يا ريت كريم دايموند و صابونة التفتيح ينزلو فى عرض عيد الام ما لحقنهاش
» استفسر بخصوص كريم ليل
» بخصوص كريم الاساس