استفتاء على كل منتجات اوريفليم

ميرسي ياميويا قوي واللة يكون في عونك مع عيلك هو عندة كام سنة وربنا يخليهولك انا مبسوطة ان كل المنتدي بيحب ويحترم بعض من غير مقابل وانت ياميويا شخصية محترمة ومعظمنا بيحب رايك بس عايزة اسالك سؤال انتي من اسكندرية ولا القاهرة لاني شفتك مهتمة بالسحب بتاع اسكندرية لاني عايزة اشوفك واتعرف عليكي لو انتي في القاهرة لكن لو انتي في اسكندرية لما اسافر واروح شقتي في اسكندرية انشاء اللة اشوفك لو ربنا اراد باذن اللة علي العموم عشان مطولش عليكي انا مبسوطة اني كسبت اصدقاء محترمين في المنتدي






بوسة لكل واحدة في المنتدي

هههههههههههه
لا يا حبيبتي دول مش ولادي دول العيال بتوع الدرس منا اسيستانت مع مدرس فرينش
انا اصلا مش متجوزة
انا اقصد انه دي اجازة شغلي لاننا دروس فبناخد اجازة ف 6 و7
ونبدا الدروس ف اول 8 تقريبا
وانا كنت بسال عن سحب اسكند
رية لانه ف ناس كانت هتسافر فكنت بسال عشانهم وكنت هكتب الكلام ده ع الجروب بتاعي ع الفيس
انا من طنطا اصلا
ومبرووووك مقدما ع الفرح
وان شاء الله تكوني زي القمر وزوجة صالحة وربنا يرزقك الذرية الصالحة ان شاء الله بس اوعي تنسينا بقى
وميرسي بجد ليكي ولذوقك وانا بحب كل اعضاء المنتدى ومدام رشا والمنتدى نفسه
بس في حد جديد ف المنتدى اسمه mayoyo
اوعي تتلخبطي بيني وبينها

انا خدت بالي ياميوية ان في واحدة جديدة غيرك متخفيش محدش يقدر يتلخبط فيكي ياجميل وانا ياحبيبتي متزوجة بقالي كام شهر وعالعموم لما اعمل فرح تاني هبقي اعزمك هاهاهاهاهاهاهاهاها
اهل طنطا كلهم جمال لبة واحدة صاحبتي من طنطا زي العسل زيك واتجوزت صاحب جوزي ودلوقتي عايشة جنبي وعلي العموم ربنا يرزقك بزوج صالح وذرية صالحة امين
وربنا يقويكي علي الدروس والعيال
سلام ياقمر

الفي انتي شوهتي البرفيوم خالص هههههههههههه ( سوفى ) طيب اعمل ايه انا كل واحد ومناخيره يا سوفى

elvie كتب:

الفي انتي شوهتي البرفيوم خالص هههههههههههه ( سوفى ) طيب اعمل ايه انا كل واحد ومناخيره يا سوفى

هههههههه على رايك هو موضوع مناخير وبس ههههههه

هو ليه محدش بيرد عليا بقالى سنة بسأل عن الكريم ومحدش بيرد عليا انا زعلانة منكم اوى

متزعليش بس انا واللة قريت انة مجبش نتيجة مع اللي استخدموة انا اللي جبتة كريم الاستريتش مارك ولسة مجربتوش وانا مش عارفة افيدك معلش

طب لو بعد كدا عرفتى اى معلومات عنه قوليلى بليز لانى محتاجة حاجة لمنطقة البطن
وشكرا على ردك

ياجماعه حبيت أقولكم انه الغسول اللى بالعنب ومضاد للأكسده ممتااااااااااااااااز للبشرة بجميع انواعها
انا جربته انا و ماما و خالتى وكلنا اتفقنا على الرأى ده

بصراحه يا جماعه انا جربت روج اوريفليم بيوتى سيلكى كيس رووعه ومرطب والوانه جميله وروج جيوردانى

مرطب حلو بس الوانه فاتحه قوى وبودرة التلك تحفة وبرفان جيوردانى شاين تحفه وفرى الرجالى وبلاتنيم وديلايت حلوه بس خفيفة قوى وميس او الدهبى شيك وبرفان راقى جدا وآى لاينر الاخضر شبه الروج يجنن
ولوشيا برفان رقيق وكمان عجبنى قوى اس 8 شيك جدا وسجنيتشر برفان قوى وكريم ايفين اوت للبشرة والبقع الغامة صديقتى استخدمته وبتشكر فيه وكريم هاند كير تحفة بصراحه حاجات كتيرة جميلة جدا ف اوريفليم

معلش طولت عليكم بس اوريفليم شركه جميله جدا

انا جربت حاجات كتير اوىىىىىىىىى والحمد لله كلهم حلوين والكوليتى عالية جدا
اغلب درجات روج جوردانى دولسى فيتا وباور شاين حلويين اوىكريم اساس جوردانى لتقدم العمر.بودر جوردانى والبيز جوردانى.كريمات.تندر كيرواسينشال للبشرة الجافة والو فيراهاند كير بالوز وكريم جوز الهند.غسول البشرة بالعنب والافندر والشاىتونر البندق وتونر الاى كولاجين . شامبو 2فى 1 شور جيل جوز الهند كبسولات شعر لتقدم العمر.بدى سكرب ميلك اند هنى وسترس جاردن.فوت سكرب وكريم القدم.كونسيلر اوريفلام بيوتى.البرفيوم ديفين الازرق.امبير اليكسير. انجما.جوردانى جولد وجولد شاين.بيتال كوارتزوامتيست فاتتيل.وجيل السليوليت(معملش حاجة.)ملمع الشفاة كوكون وفيجن واللى بالعنب والجليتز الجديد حلو اوى.ملمع الاظافر فيجن والمانيكير فيجن والفرنسى.اى لينر هوليود.اى شادو جوردانى واى شادو القلم اللى فى كتالوج 7 كل الدرجات جبتها.واى شادو جوردانى الذهبى الجديد اللىكان فى كتالوج 3 والنوع الكريمىبيوتى.كرات الؤلؤ رول عرق فولارو نورث مان وسبراى ديفين ...........تقرؤيبا دى كل حاجة والحمد لله الحاجات فعلا حلوة

انا كان ليا سؤال كنت عايزة اعرف كريم الايفن وات اللى نازل فى كتالوج 6 و 7 حلو ولا لأ اصل انا عندى بقع مكان الحبوب وعايزة اعرف هو كويس ولا ايه ونتيجته بتظهر بعد اد ايه كدا وياريت تفيدونى

بصى ياسمر المقشر هو نفسة الاسكرب هو بس اختلاف فى الاسماء والبشرة الدهنية بيقى حلة ليها الغسول الى بالشاى الى لونة اخضر بس كمان العنب جربتة انا واختى وهيا بشرتها دهنية بس تحفة يعنى هاتى اى واحد فيهم

مهو انا جربت اللى بالعنب وعجبنى اوى
طب ليا سؤال هو ايه التونر ده عبارة عن ايه هو واللوشن

كمان ياسمر الغسول بتاع بيور سكين نازل ف شهر 7 تحفة جدا حلو اخر حاجة بجد حلو جدا
بصة التنور انا جبتوا قبل كدا كنت بجيب قطنة وبعمل بية وشى ياعنى بنظف البشرة تقريبا اللة اعلم انا عن نفسى كنت بعمل بية كدا
واللوشن بردوا الله اعلم على حد علمى مثلا بصى اللوشن بتاع التفتيح بيختلف عن كريم التفتيح لان الوشن للبشرة الدهنية هما كتبين كدا بس اللوشن اكيد هيتحط ومش تشلية هتحطية على بشرتك وبس
بصى مش عارفة الله اعلم عليهم هما الاتينن
بس ال جربيتوا ال هو العسول بتاع بيور سكين وطلع حلو جدا

التونر زى ما سمرمر قالت بيستخدم بقطنه وينظف بها الوجه وهو يقوم بتنظيف البشره ويقبض المسام(لا يسد المسام) ويجرى الدوره الدمويه

ميرسى على الرد انا عندى لوشن بتاع بيور سكين وحلو اوى كل يوم احط منه وعلى فكرة مزيل العرق اللى بيقلل نمو الشعر تحفة بس من ناحية انه مبيبقاش فى ريحة عرق خالص لانى لسه مجرباه امبارح ومن ساعت محطيته ومفيش ريحة عرق خاااااااااااااااااااااااااااااااااااااااااالص اما انه بيقلل الشعر فأكيد مش حعرف دلوقتى لانى لسه مستخدماه امبارح
بس كان ليا استفسار عن شرايط الشمع
هم كاتبين عليها انها ممنوعة فى بعض المناطق
كنت عايزة اسأل ليه بقى هى ممنوعة مع انى قريت مرة على احد المنتديات ان فى واحدة جربتها وكويسة لو حد عنده علم يقولى

هاى عليكم جميعا موضوع جميل بجد وبالتوفيق
ليا طلب عايزة اعرف فى حد عندة برفان انيجما زيادة مش عايزاها يعنى ويبيعهالى لانى نفسى فيها اوى ويوقولى السعر لانها من ساعت ما اشتركت ما نزلتش وانا نفسى اجيبها اوى اوى اوى
وشكرا للجميع