Oriflame Egypt نادي اعضاء اوريفليم مصر
مرحبا بك عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائه

Oriflame Egypt نادي اعضاء اوريفليم مصر

نادي اوريفليم لشركة اوريفليم السويدية في مصر لارقي منتجات التجميل الطبيعية والعناية بالبشرة (منتدي خاص بالدايريكتور رشا محمد)
 
دخولبحـثالتسجيلالرئيسية
شاطر | 
 

 ادوية التخسيس وانا(تجربتي)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
SHADEN
عضو مميز
عضو مميز


انثى
عدد الرسائل: 202
العمر: 34
تاريخ التسجيل: 17/03/2010

مُساهمةموضوع: ادوية التخسيس وانا(تجربتي)   الأحد يونيو 06, 2010 3:26 am

البنات الدبدوبات اللي زيي ييجو يقرو الموضوع ده حينفعهم اوي انشاءالله
بصو بأه انا بقالي فتره قصيره كده باعمل ريجيم ولما بدأت فيه ماكنتش متخيله اني حاقدر اساسا اكمل ولا يومين حتي
ليه بأه لأني كنت باحس طول الوقت اني عايزه اكل اي حاجه شويه مملحه وشويه مسكره وخصوصا بالليل
وبعدين اختي وواحده صاحبتي قالولي علي دوا اسمه(سيبوتريم) وكمان نفس الدوا ده كان كاتبهولي من حوالي 4 سنين كده دكتور عصام عبدالجليل وهو متخصص في برامج التخسيس وجراحات السمنه وكمان عملت سيرش عالنت كتيرولقيت ان منظمة الادويه الامريكيه وكل المواقع الصحيه بتقول ان مادة السيبوترامين هي ماده جيده وماخوفونيش منها زي باقي الادويه هي وماده تانيه اسمها الاورليستات واكيد كلنا سمعنا عنها بس معلوماتي عنها انها غاليه جدا
المهم اني بعد عناد طويل اختي خللتني ابدأ في الريجيم وانا كنت تابعت من حوالي سنتين كده مع د مصطفي ساري وعندي 15نظام غذائي من وقتها
اول يوم ما اخدتش البرشام ده وبصراحه ماقدرتش اقاوم وجيت في اخر اليوم واكلت ايس كريم وبعدها دره مشويه وبعدها بشويه كمان شيبسي(شطوره صح؟)
تاني يوم بأه اخدت السيبوتريم بعد الفطار وفعلا استغربت جدا لما لقيتني بجد نفسي مسدوده عن الاكل ومش حاسه اني عايزه اكل. وواحده واحده لقيتني فعلا بابقي مش عايزه اكل وكمان وقت ماباكل مش باكتر في الاكل غصب عني بالاقيني مش عايزه
بعد 5 ايام قلت لنفسي كفايه برشام واحاول مع نفسي واشوف من غيره
ولاقيتني فعلا باكمل اليوم من غير جوع وتاني يوم كمان بس تالت يوم ماقدرتش لقيتني باجوع فخدته تاني يومين بعدين بطلته خالص ولحد الوقتي مش باجوع الحمدلله يعني معدتي صغرت واتعودت انها ماتاكلش كتير والشهيه الزايده اوي دي راحت والحمدلله
وده كله بأه وانا ماشتريتش غير شريط واحد سيبوتريم 15 مل ب19 جنيه .
بعدكده بأه اكتشفت حاجه تانيه حاحكيلكم عليها في التعقيب
استنوووونيييييييييييييييييييييييييييي
الرجوع الى أعلى الصفحة اذهب الى الأسفل
SHADEN
عضو مميز
عضو مميز


انثى
عدد الرسائل: 202
العمر: 34
تاريخ التسجيل: 17/03/2010

مُساهمةموضوع: رد: ادوية التخسيس وانا(تجربتي)   الأحد يونيو 06, 2010 4:10 am

انا حاكمل لكم علاطول عشان عارفه انكم اكيد حتبقو علي نار زيي طبعا
شوفي يا ستي
انا بأه كل ما ادخل عالنت اعمل سيرش عالموضوعات الخاصه بالتخسيس لحد اول اول امبارح الخميس لقيت موضوع اسمه تجربتي الشخصيه مع ادوية التخسيس
كاتباه بنت كانت بتعمل ريجيم زينا كده لحد ما زهقت منه وقرفت وماقدرتش تكمل زينا كتير مننا وانا اولهم طبعا.وليها واحده صاحبتها دكتوره صيدليه فقالتلها عالموضوع ده وانها عايزه حل فصاحبتها نصحتها بدوا اسمه (كويك سلم) لحد كده بأه وانا بدأت ما اقتنعش عشان انا باخاف من ادوية الريجيم وباشك في فعاليتها اساسا الا المادتين اللي انا قريت عنهم ان منظمة الصحه الامريكيه fda اعترفت بيهم وهم مادة السيبوترامين لتخفيف الشهيه ومادة الاورليستات اللي بتمنع المعده من انها تمتص الدهون بس انا ماجربتهاش عشان اعرف انها يا اما الزينيكال وده طبعا الشريط ب150 جنيه او اورليستات وده اعرف انه غالي وسمعت دكاتره كتير بيتكلمو عنه علي نجوم اف ام وفي التليفزيون بس بصراحه اعرف ان سعره غالي لكن ماعرفش كام
والمفاجأه بأه ان الدوا اللي البنت دي كانت بتقول انها جربته لمدة شهر ونص اللي اسمه(كويك سلم)ده بأه طلع اورليستات 120 مل وقالت ان تركيبته هي تركيبة الزينيكال الغاااالي ده بس ده بأه سعر الشريط 27 جنيه(الاساس انه يتاخد 3 مرات بعد الوجبات الرئيسيه التي تحتوي علي الدهون يعني الوجبه اللي مش فيها دهون لأ)
هي قالت انها بتفطر فطار خفيف زي الريجيم وتتعشي كده كمان او ما تتعشاش بس في الغدا بتاكل زي ماهي عايزه يعني كل اللي هي عايزاه وبعدين تاخد كبسوله بعد الغدا وانها بتشوف الدهون في التواليت بعنيها بتنزل في الفضلات وانها خست في شهر ونص 7 كيلو يعني في 6 اسابيع 7 كيلو(وعلي فكره دي نسبه كويسه جدا لأن انا من 3 سنين كده وانا باتابع مع د كتور مصطفي ساري بعد ما عانيت كتير جدااا خسيت 13.5 ك في حوالي 4 شهور يعني 16 اسبوع يعني اقل من كيلو في الاسبوع طبعا اول اسبوع نزلت 6 كيلو وبعدين اسبوع مانزلش خالص واسبوع انزل فيه 2كيلو او اكتر واسبوع ازيد كيلو وانا ماشيه عالعجين مابلخبطوش )
المهم انا ماقتنعتش اوي بموضوع انها بتاكل كل اللي هي عايزاه ده لأن هي لو اكلت طبق رز مثلا ده حيروح فين والدوا ده بيتعامل مع الدهون بس
فقلت لنفسي انا كده كده باعمل ريجيم واتعودت اني اكل نشويات بسيطه اوي لكن بأه ممكن نفسي تروح لحتة فراخ بانيه مثلا او فراخ محمره كده وااااااااااو
اومثلا حتي البصاره اللي رحت عند ماما لقيتها بتعملها وكل مكوناتها مش ممنوعه من الريجيم ماعدا الزيت اللي لازم تتعمل بيه.والعدس كمان زيها بالظبط.
او مثلا الخضار المطبوخ ني في ني يا سلام لو يبقي مطبوخ عادي حتي بسمنه قليله اوي
ده حتي الشوربه لازم بعد ما تتعمل تتحط في التاجه عشان نشيل وشها بعد كده وطبعا ده بياخد وقت كبير ومش كلنا بنلحق نعمل كده كل مره
المهم بالصدفه بأه تاني يوم كان عندي فري وفطرت فطار ريجيم عادي وماما كلمتني عشان اروح اتغدي معاها ممباااااااااااااااااااااااار
وشوفو انتم بأه؟؟؟؟؟؟؟
قلت اوكي فرصه بأه نجرب الدوا ده
فعلا جبته واكلت تمام التمام (والله مش زي ماكنت باكل قبل كده خالص في الكميه)وبعدين اخدت الكبسوله
طبعا عايزين تعرفو ايه اللي حصل
حاقول لكم برضه في التعقيب اللي جاي عشان تعبت اوي من الكتابه بجد
الرجوع الى أعلى الصفحة اذهب الى الأسفل
SHADEN
عضو مميز
عضو مميز


انثى
عدد الرسائل: 202
العمر: 34
تاريخ التسجيل: 17/03/2010

مُساهمةموضوع: رد: ادوية التخسيس وانا(تجربتي)   الأحد يونيو 06, 2010 5:03 am

الاثار الجانبيه للدوا دا زي ما مكتوب في النشره بتاعته وده اللي حتلاقوه لو عملتو عيه سيرش هي كالاتي:1_اسهال_ وزيادة حركة الأمعاء_رغبه متكرره في دخول الحمام_نزول قطرات زيتيه في الحمام
وده اللي حصل معايا من الاثار الجانبيه وقايلين ان الاعراض دي بتزيد لواحتوت الوجبات علي نسبة دهون اكتر من 30%
المهم بأه ان الاعراض اللي انا كتبتها دي هي اللي حصلت في اول يوم فعلا بعد ما اخدت حبايه بعد الغدا وواحده تانيه بعد لعشا
باقي الاثار بأه مفيش حاجه حصلت منها والحمدلله وهي عباره عن صداع والم بالمعده والم بالظهر والعضلات وانتفاخ(بس انا لسه ما استخدمتوش غير مرتين وربنا يستر)
المفاجأه بأه كانت تاني يوم انا مشيت عالريجيم عادي
فطرت كنتالوب واتغديت سمك مشوي وسلاطه فيها طماطم وطبعا اليوم كده يعتبرمافيهوش دهون خالص الا البسيط الموجود في السمك المشوي
كنت طول اليوم حاسه بزيادة حركة الامعاء اللي قالو عليها دي (وانا علي فكره باتفائل بكده عشان لما عملت ريجيم لمده طويله كان وقت مابيحصل كده كنت باعرف اني حانزل في الوزن كتير الاسبوع ده)
المهم بأه بعد السمك كده بحوالي 4 ساعات دخلت التواليت ولقيت دهون كتير جدا كأني دلقت شوية زيت في التواليت وخدو بالكم ان انا ماخدتش الدوا ده النهارده؟
فعرفت فعلا ان الكلام عن الاورليستات ده حقيقي مش مجرد دعايه فقلت اقدم تجربتي لكل اللي يهمها الموضوع ده
ونسيت اقولكم انهم كاتبين ان الماده دي بتقلل امتصاص الفيتامينات أ_ه_د_ك لذا ينصح بتعويضها عن طريق قرص فيتامين مره واحده يوميا قبل هذا الدواء بساعتين
يلله اللي تجرب تقوللنا عملت ايه واللي معترضه او عندها وجهة نظر تعرفهالنا عشان نفيد ونستفيد كلنا
كمان اللي جربت حاجه زي كده تقوللنا
الرجوع الى أعلى الصفحة اذهب الى الأسفل
smile angle
عضو فعال
عضو فعال


انثى
عدد الرسائل: 177
العمر: 29
تاريخ التسجيل: 26/12/2009

مُساهمةموضوع: رد: ادوية التخسيس وانا(تجربتي)   الأحد يونيو 06, 2010 10:42 am

انا جبت الاورلى بس لسه مستخدمتهوش خايفه يكون ليه اثار جانبيه ع البنات
الرجوع الى أعلى الصفحة اذهب الى الأسفل
SHADEN
عضو مميز
عضو مميز


انثى
عدد الرسائل: 202
العمر: 34
تاريخ التسجيل: 17/03/2010

مُساهمةموضوع: رد: ادوية التخسيس وانا(تجربتي)   الأحد يونيو 06, 2010 2:44 pm

شكرا ليكي يا سميل انجل بجد لأنك الوحيده اللي رديتي عليا وعبرتيني في الموضوع ده
مع اني قعدت اكتب فيه ييجي ساعتين او اكتر وكنت فاكره انه يهم ناس كتير@
وقلت انقل لهم اللي انا وصلت له ففي فتره طويله
بالنسبه ليكي بأه انا لسه مش عارفه بس المنظمات الصحيه الكبيره مش بتخوف من الماده دي
وكبر اضرارها انها بتخللي المعده ماتمتصش الفيتامينات ا ه د ك
ودي اعتقد مقدور عليها بحباية فيتامين
بس اللي تضحي بحاجه زي دي لازم يكون وزنها كتير فعلا يعني يستاهل انا مثلا 96 وربنا معايا انشاءالله لازم انزل 26 كيلو ادعولي بأه ان ربنا يقدرني
وياريت اي واحده تبدأ معايا تدخل هنا ونعمل جروب ونشجع بعض
الرجوع الى أعلى الصفحة اذهب الى الأسفل
omseif
عضو فعال
عضو فعال


الاوسمة: وسام الابداع
انثى
عدد الرسائل: 184
العمر: 29
تاريخ التسجيل: 29/11/2009

مُساهمةموضوع: رد: ادوية التخسيس وانا(تجربتي)   الأحد يونيو 06, 2010 11:51 pm

شادن حبيبتى موضوعك بجد تحفه ودخلتى على الصميم على طول
على فكره انا بتابع مع دكتورة تخسيس وكتبالى دواء اسمه اورلى وهو فعلا عبارة عن اورليستات وغالى جدا الشريط ب 75 جنيه والعلبه فيها شريطين وقالتلى تاخديه بعد الغدا لانه بيمنع الجسم من امتصاص الدهون
وفى يوم بعد الغدا بس كنت تقلت شويه فى الغدا واديتها همبورجر وبانيهات وافتريت فى الغدا شويه وبعد الاكل بساعتين فوجئت باسهال رهيب وكمان زى مانتى قولتى كله دهون ونزلت فى اول اسبوع ريجيم 4 كيلو ونص وربنا يسهل واقدر اكمل وامشى على النظام لانى بجد عايزه اخس وان شاء الله هخس وانتى كمان ياشدونه شدى حيلك وخلى عندك عزيمه
تسلمى على موضوعك الجميل وماتزعليش ان محدش رد عليكى
ده احسن ماكل اللى يدخل يحطلك سمايلز على كل شكل ولون دى احسن بتفرس اوى من اللى يرد على موضوع بالاشكال
تقبلى مرورى مع فائق احترامى وحبى لكى
الرجوع الى أعلى الصفحة اذهب الى الأسفل
SHADEN
عضو مميز
عضو مميز


انثى
عدد الرسائل: 202
العمر: 34
تاريخ التسجيل: 17/03/2010

مُساهمةموضوع: رد: ادوية التخسيس وانا(تجربتي)   الإثنين يونيو 07, 2010 12:01 am

شكرا ياحبيبتي يا ام سيف علي كلامك الجميل وربنا معانا انشاءالله
بس الاورلي ده فعلا كده غالي اوي وحيخلليكي كل مره تاخدي الكبسوله تقعدي تحسبيلها عشان غاليه وعلي فكره هو نفس التركيب الصيدلي قال كده
ده عباره عن اورليستات 120مل وسعره 27 جنيه فلما يخلص اللي عندك طبعا ابقي جربيه يمكن تلاقيه هوه هوه ونبقي وفرنا شويه
وربنا معاكي تاني انشاءالله وابقي طمنيني عليكي كل اسبوع عشان نشجع بعض انشاءالله thankyou1
الرجوع الى أعلى الصفحة اذهب الى الأسفل
رهف الكلام
عضو ملكي مميز
عضو ملكي مميز


انثى
عدد الرسائل: 826
العمر: 31
الدولة: مصر
العمل/الترفيه: العمل باوريفليم
تاريخ التسجيل: 21/12/2009

مُساهمةموضوع: رد: ادوية التخسيس وانا(تجربتي)   الإثنين يونيو 07, 2010 11:21 am

ان شاء الله لما اخلص رضاعه باق شهر حجيبه واشتغل فى الرجيم نفسى ارجع زي ما كنت ادعو لى
الرجوع الى أعلى الصفحة اذهب الى الأسفل
smile angle
عضو فعال
عضو فعال


انثى
عدد الرسائل: 177
العمر: 29
تاريخ التسجيل: 26/12/2009

مُساهمةموضوع: رد: ادوية التخسيس وانا(تجربتي)   الإثنين يونيو 07, 2010 1:34 pm

يا رب معانا كلنا انا حاليا 82 كيلو بعد ما كنت 68 كيلو حالتى النفسيه تعبت وبوظت كل اللى عملته فى الاول كنت 94 كيلو بس الحمد لله انا هبتدى وربنا معانا كلنا ياريت نشجع بعض ونبتدى فى يوم واحد ايه رايكم
الرجوع الى أعلى الصفحة اذهب الى الأسفل
SHADEN
عضو مميز
عضو مميز


انثى
عدد الرسائل: 202
العمر: 34
تاريخ التسجيل: 17/03/2010

مُساهمةموضوع: رد: ادوية التخسيس وانا(تجربتي)   الثلاثاء يونيو 08, 2010 2:12 am

يلله يا جماعه نبدأ مع بعض انشاء الله من يوم السبت يكون اول يوم يلله عشان اللي مش عامله ريجيم دلوقت تؤهل نفسها نفسيا للموضوع وتلحق تاكل اللي نفسها فيه
الرجوع الى أعلى الصفحة اذهب الى الأسفل
نهله عبد الحكيم سالم خفاج
عضو جديد
عضو جديد


انثى
عدد الرسائل: 11
العمر: 37
تاريخ التسجيل: 21/03/2010

مُساهمةموضوع: اييييه ده كله؟؟؟؟؟؟؟؟؟؟؟؟؟؟؟؟؟؟؟   الثلاثاء يونيو 08, 2010 6:52 am

ايه ده كله يا جماعه؟؟؟؟ ايه الأدويه والمعاناه ديه ولله الموضوع ابسط من كده خالص سدأوني وعن تجربه كمان.انا كان وزني قرب من 90 كيلو وجربت كل انزاع الريجيمات الي في الدنيا ولي ما تخطرش علي بال حد فيكوا وكنت بخس بجد جااامد بسسسسسسسس برجع الوزن الي خسرته بسرعه وكانك يا بوزيد ما غزيت ههههههه ورحت لدكاتره كتيييييييييييييييييير وفي الاخر
خسيت ازاي(بس قللت في كميات الأكل الي باكلها)
... ولله العظيم اني خسيت 20 كيلو خلال 9 شهور وجسمي بقي روعه والناس بتسئلني ايه السر لحد دلوقتي والحمد لله مستمره باكل كل شئ في نفسي بس بكميه قليله اوي لدرجه ان معدتي اخدت علي كده وماقدرش ازود في الأكل مهما كان الاكل ده لذيذ كل شئ في الدنيا باكله كل شئ مافيش شئ ممنوع خاااالص كلي بس بكميات قليله هو ده السر هينقص وزنك براحه ومن غير ما تجهدي بشرتك لانها بتتاثر بالخسيه وخساره السؤال من جسمك بتخلي الجسم يحصل فيه ترهلات وبعد ما تخسي تلاقي شكل جسمك مش لطيف عشان كده الطريقه الي بقولكم عليها دي هي اصح طريقه مع طبعا المشي ساعه كل يوم وشرب الميه كتير وتقليل السكر والملح في الاكل وهتدعولي الموضوع عايز إراده وتغيري نظامك الغذائي وطريقه اكلك السيئه.
الرجوع الى أعلى الصفحة اذهب الى الأسفل
SHADEN
عضو مميز
عضو مميز


انثى
عدد الرسائل: 202
العمر: 34
تاريخ التسجيل: 17/03/2010

مُساهمةموضوع: رد: ادوية التخسيس وانا(تجربتي)   الثلاثاء يونيو 08, 2010 10:19 am

ماشاءالله عليكي ي نهله
حلو اوي الكلام ده
بس شوفي انتي قلتي انتي عملتي ريجيمات أد ايه عشان فعلا توصلي للحل ده وترضي بيه
الموضوع فعلا عايز اراده زي مابتقولي
بس انا بجد كنت حاسه ان شهيتي مفتوحه بشكل مش طبيعي
طبعا القرار كان صعب بس اخدته والسيبوتريم بصراحه هو اللي خللاني اكمل عشان ساعدني اصغر معدتي شويه واكل بكميات قليله زي مابتقولي
وميرسي يا قمر علي الرد thankyou1
الرجوع الى أعلى الصفحة اذهب الى الأسفل
ساحرة القلوب
عضو جديد
عضو جديد


انثى
عدد الرسائل: 17
العمر: 24
تاريخ التسجيل: 13/01/2010

مُساهمةموضوع: رد: ادوية التخسيس وانا(تجربتي)   الثلاثاء يونيو 08, 2010 3:16 pm

ميرسى يا قمر على المعلومات الجامدة دى وفعلا كل اللى بتقولية صح وانا جربت الدوا سيبوتيرم ووزنى نزل فعلا ورجعت بقيت 75ك من بعد85ك لكن اثر على شكل وشى خس جداوكأنى مريضة هو دة اللى خلانى ارجع اكل تانى علشان ترجع نضارة وشى تانى وانا وزنى زاد تانى ومش عارفة اعمل ايه ؟
الرجوع الى أعلى الصفحة اذهب الى الأسفل
SHADEN
عضو مميز
عضو مميز


انثى
عدد الرسائل: 202
العمر: 34
تاريخ التسجيل: 17/03/2010

مُساهمةموضوع: رد: ادوية التخسيس وانا(تجربتي)   الثلاثاء يونيو 08, 2010 4:00 pm

ساحرة القلوب:
شوفي يا جميل انا لما باتكلم عن دوا للتخسيس مش قصدي ان احنا ناخده كده وخلاص
انا قصدي ان الدوا يساعدنا اننا نعمل نظام متكامل
انا كتبت نظام غذائي متعدد الاختيارات يعني مايزهقش وفي نفس الوقت هوه كما متكامل يعني فيه كل العناصر الغذائيه المطلوبه للجسم عشان ينزل بصوره طبيعيه وبصحه وكمان الوش مايتغيرش
الدوا زي ما اا قايله فوق ممكن ان هو يساعدك لفتره صغيره اسبوع او اقل عشان تكوني اتعودتي تاكلي قليل وبعدين تبدئي تعتمدي علي نفسك من غيره
وميرسي يا قمر علي ردك الجميل
الرجوع الى أعلى الصفحة اذهب الى الأسفل
رهف الكلام
عضو ملكي مميز
عضو ملكي مميز


انثى
عدد الرسائل: 826
العمر: 31
الدولة: مصر
العمل/الترفيه: العمل باوريفليم
تاريخ التسجيل: 21/12/2009

مُساهمةموضوع: رد: ادوية التخسيس وانا(تجربتي)   الثلاثاء يونيو 08, 2010 6:44 pm

انا كنت 60 بكتيره63 وكان شكلى حلو قوى بس فى الحمل زدت جامد قوى وعملت رياضو وخسين وكسلت تانى ودلوقتى وزنى 84 كتير جدا خاصة انى قصيرة وكنت زمان مثبته وزنى على 63 وكنت بعمل زى نهلة لدرجة ان اقل اكل كان بيشبعنى

المهم ياريت يا شادن لو تستنوا لاول شهر 7 اكون فطمت بنتى وابدا معاكم عشان اتشجع بكم
الرجوع الى أعلى الصفحة اذهب الى الأسفل
لولو لومى
عضو جديد
عضو جديد


انثى
عدد الرسائل: 4
العمر: 27
الدولة: طنطا
العمل/الترفيه: اوريفليم
تاريخ التسجيل: 27/05/2010

مُساهمةموضوع: رد: ادوية التخسيس وانا(تجربتي)   الثلاثاء يونيو 08, 2010 7:29 pm

السلام عليكم ازيكم ميرسى اوى على موضوعك الجامد وانا انشاء الله حبتتدى اعمل رجيم واجيب الدوا ده لانى تخنط اوى الفتره دى بعد ماخلصت كليه وبجد مضايقة اوى من نفسى انا بس حعمل عمليه يوم الخميس بسيطة كده وبعدين ابتدى من بعديها بس ادعولى
الرجوع الى أعلى الصفحة اذهب الى الأسفل
SHADEN
عضو مميز
عضو مميز


انثى
عدد الرسائل: 202
العمر: 34
تاريخ التسجيل: 17/03/2010

مُساهمةموضوع: رد: ادوية التخسيس وانا(تجربتي)   الثلاثاء يونيو 08, 2010 8:43 pm

ايه يا لولو طمنينا الف سلامه عليكي
عملية ايه دي
وربنا يقومك بالسلامه يارب هو ده المهم
لازم تطمنينا عليكي انشاءالله
الرجوع الى أعلى الصفحة اذهب الى الأسفل
SHADEN
عضو مميز
عضو مميز


انثى
عدد الرسائل: 202
العمر: 34
تاريخ التسجيل: 17/03/2010

مُساهمةموضوع: رد: ادوية التخسيس وانا(تجربتي)   الثلاثاء يونيو 08, 2010 8:53 pm

اه يا رهف غالي والطلب غالي وصعب
شوفي ياقمر انتي عارفه ان اللي بتقرر تعمل ريجيم دي بتعمله علي عينها ويكون قرار صعب انك تبدئي اصلا
وانتي عار فه طبعا لو احنا استنينا حننام علي كده ونكبر دماغنا
حلاوتها في حموتها
يلله يا رهف الكلام تممي انتي بس رضاعتك علي خير انشاءالله وبعدين حتلااقينا هنا وتكملي معانا
وماتقلقيش انتي انشاءالله اول ما تبدئي معانا حتنزلي في اول اسبوع يمكن 3 او 4 كيلو عالاقل وانشاءلله تلحقينا
وكمان كل تدخلي وتلاقي تعليقاتنا حتتشجعي اكتر انشاءالله
الرجوع الى أعلى الصفحة اذهب الى الأسفل
Shimooo
عضو جديد
عضو جديد


انثى
عدد الرسائل: 42
العمر: 32
تاريخ التسجيل: 18/05/2010

مُساهمةموضوع: رد: ادوية التخسيس وانا(تجربتي)   الأربعاء يونيو 09, 2010 12:46 am

مساء الخير عليكم جميعاً

أولا:ً وفي البدايه أحب أشكرك يا شادين على موضوعك الجميل جداً ده بجد تسلمي ياقمر وتسلم ايديكي لانك فعلاً اتكلمتي في موضوع مهم جداً بالنسبه لكل الناس في الوقت الحالي .

ثانياً: أنا بأكد على الكلام اللي قالته شادين بالنسبه للدواء (السيبوتريم) هو فعلاً علاج تحقه ويعمل على سد النفس والإحساس بالشبع بطريقه هائله وطبعاً يا جماعه أنا بكلمكم وعن تجربة شخصيه لأني انا حالياً بتابع برنامج تخسيس مع دكتورة مشهوره جداً ومن ساعة ما بدأت معاها وهي كتابتلي على دواء السيبوتريم ده وعامل معايا نتيجه هايله أنا بدأت معاها من حوالي 3 شهور تقريباً وكان ساعتها وزني 104 كليو والمفاجأة بقى يا جماعه إن أنا وزني حالياً 86 كيلو شفتم بقى أنا شطوره إزاي ياترى أيه بقى رأيكم في الوضوع دي بس ونبي يا جماعه قبل ماتقلولي رأيكم تبقوا تدعولي أني أوصل لوزني الطبيعي واللي نفسي أثبت عنده وهو 75 كيلو .

ثالثاً: وأخيراً يااااااااااااااااارب أكون قدرت افدكم جميعاً بتجربتي دي وبتمنى للجميع التوفيق إن شاء الله تعالي ... وميرسي ليكي يا شادين وميرسي ليكم جميعاً وأنا أسفه جداً يا جماعه لو كنت طولت عليكم وصدعتكم الشويه دول بكلامي.




الرجوع الى أعلى الصفحة اذهب الى الأسفل
sad angel
عضو ملكي متألق
عضو ملكي متألق


الاوسمة: وسام الحضور المميز
انثى
عدد الرسائل: 1883
العمر: 31
الدولة: كفر الشيخ
العمل/الترفيه: ليدر أوريفلاميه مبتدئة
تاريخ التسجيل: 01/10/2009

مُساهمةموضوع: رد: ادوية التخسيس وانا(تجربتي)   الأربعاء يونيو 09, 2010 1:41 pm

أنا كمان بعد ولاده كوكو زدت قوى لان ماكنش فيه لبن والدكتور كان كاتب على أدويه وكنت باكل كتيروأنا عرفه أن الرضاعه سوائل بس كان نفسى أرضعها أنا بس الحمد لله ودلوقتى أنا 90 بعد ما كنت67 وهدوم الفرح ملبستهاش لانى حملت على طول وكلها تحفه ومش بقدر عالرجيم بس هسأل الدكتور على الدوى ده وهقولكم
الرجوع الى أعلى الصفحة اذهب الى الأسفل
 

ادوية التخسيس وانا(تجربتي)

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Oriflame Egypt نادي اعضاء اوريفليم مصر ::  :: -