وصفات طبيعية مضمونة

انا جايبة لكم وصفات كلها مضمونة وانا شخصيا مجربة معظمها تقريبا يا رب تعجبكم
اولا سكرب للبشرة( لجميع انواع البشرة)
مقدار من الشيكولاتة الخام حوالى 150 جم (شيكولاتة المطبخ)
5 ملاعق ملح+1/2 كوب لبن
اولا نقوم بتسييح الشيكولاة على حمام مائى ثم نضيف لها اللبن والملح ونقلب جيدا ونضعهم لمدة ربع ساعة على الوجه ماعدا حول العين ثم نزيله بعمل حركات دائرية حتى يزيل طبقة الجلد الميت من البشرة ممكن نعمله وناخد احتاجنا والباقي نشيله ف الثلاجة لمدة 10 ايام بالكتير
الماسك التانى هو عبارة عن بلسم للشعر وده تحففففففففففة بجد
1/2 كوب زيت زيتون+1/2 كوب مياه مقطرة (وهى الاكياس اللى بنجيبها من الصيدلية) نخلطهم جيدا ونضعهم على الشعر لمدة ساعة على الكتر وشوفى النتيجة
الماسك التالت لشد البشرة وازالة الشوائب من المسام
بياض بيضة +عصير ليمونة+ملعقة كبيرة عسل ابيض يخلط جيدا ويوضع على الوجه ولا تنسوا الرقبة طبعا مع تجنب منطقة العيون والشفاه لمدة 20 دقيقة ثم يزال بماء فاتر
انا هاكتفي بالماسكات دى كبداية علشان تجربوها وبعدين اكيد المرة الجاية هاكمل لكم باقى الماسكات امنى انها تعجبكم وتفيدكم
باقي نصيحة مهمة سمعتها من خبيرة التجميل وهى ان اى واحدة مننا قبل ما تحط الماسك على وشها تعمل له اختبار بانها تحطه على جزء من ايده او رقبتها لمدة 5 دقائق مثلا علشان تضمن انه مش يعمل لها اى حساسية
مستنية ردودكم

تسلم ايدك ماقصرتى

الوصفات دى جميلة ومالوفة لكن سكرب الشيكولاتة غريب شوية ليه الشيكولاتة بالذات وفايدتها ايه وتنفع مع البشرة الدهنية ولا لأ يا ريت لو كنتى جربتيها تجاوبينى وشكرا لكِ

لا يا مي الشيكولاتة مش تنفع اوى البشرة الدهنية لان فيها دهون بس هى تكون حلوة اوى للبشرة المجهدة والجافة

شكرا ديدى على الرد

شكرا على المعلومات الجميله دى بس انا شعرى دهنى ينفع معه البلسم ده
على فكره انا لسه جديده معاكم بس استفت كتير بجد

شكرا ياديدي ع الوصفات الجامدة
دي بس لو عندك وصفة لازالة الرووس السودا اللي على الانف احسن دي مشكلة جامدة جدا thank u so much

شكرا يا جماعة ع الردود . بصي يا شوق البلسم ده ينفع حتي الشعر الدهنى بس تعملبه مرة واحدة كل اسبوع وان شاء الله هيجيب نتيجة جميلة , nightyالسرؤؤس السودا ممكن شرائح طماطم واحسن حاجة انك تعملى لها صنفرة مرتين كل اسبوع وهابقي اجيب لك ماسكات ليها ان شاء الله