| مساعدة من المتزوجات | |
|
+15rogi nona84 hananelhosiny sobysoo secret.whisper toti_roro بثينه محمد مدام هند R_Oriflame omseif رحاب رهف الكلام ن.س Reham M. Radwan رضوي حلمي 19 مشترك |
|
كاتب الموضوع | رسالة |
---|
رضوي حلمي عضو نشيط
عدد الرسائل : 91 العمر : 38 تاريخ التسجيل : 11/07/2009
| موضوع: مساعدة من المتزوجات الثلاثاء فبراير 02, 2010 9:35 am | |
| ياريت يا جماعة لو حد يقدر يفيدني في حالتي دي انا حامل و قربت اخلص الشهر التاني و مش قادرة اقولكو بقالي تقريبا شهر كامل فقدان شهية مش طبيعي اخر حاجة بكلها الغدا الساعة 5 و باكل قليل جدا غير الغثيان و القيء مش قادرة اقولكو القيء عندي مش اقل من عشر مرات في اليوم نقطة المايه مش بستحملها في معدتي حاسة اني مش باكل اي حاجة عشان النونو سالت الدكتور اداني برشام للقيئء مرتين يوميا معملش حاجة زودلي عليهم حقنة مرتين يوميا برده مفيش اي امل غير بأه اني ضغطي واطي علي طول و نايمة والصداع ماسكني هيموتني ياريت حد مجرب يفيدني لحسن حاسة صحتي في النااااااااااازل طبعا الحمد لله الواحد في نعمة بس لو حد يقدر يفيدني ياريت | |
|
| |
Reham M. Radwan عضو فعال
عدد الرسائل : 197 العمر : 39 تاريخ التسجيل : 11/10/2009
| موضوع: رد: مساعدة من المتزوجات الثلاثاء فبراير 02, 2010 11:47 am | |
| اولا الف مليون مبروك على الحمل ويارب يتمم ليك على خير يارب ثانيا بصى حبيبتى الغثيان والقىء وكل ده طبيعى جدا فى اول الحمل خصوصا انه اول حمل ليكى بس اهم حاجة انك متحطيش فى دماغك انك قرفانة من كل حاجة ومش حابة الأكل وتقرفى نفسك لدرجة انك تتقئى لانك طبعا اول واحدة حتتعبى فى الموضوع ده خصوصا طبعا ان مش بتاكلى وده سبب الهبوط اللى عندك ومتنسيش انك فى اول الحمل يعنى لسة قدامك 7 شهور بحالهم ده غير ان اللى فى بطنك له حق عليكى انا عن نفسى مكنتش حابة أكل خالص وكنت كارها انواع معينة من الأكل والشرب مع انى كنت بموت فيهم وخصوصا اللبن وكنت الاكل اللى اعمله بايدى واشم ريحته وانا بعمله مكنتش اكل منه ابدا ولحد اخر الحمل كنت بكمل بقية غداية فاكهة كنت باكل فاكهة كتير اوى بصى حاولى تغصبى على نفسك عارفة انه صعب بس علشان متتعبيش اللى فى بطنك كدة كدة بيتغذى منك من الكالسيوم بتاع عضمك لكن انت اللى لازم تهتمى بنفسك علشان ميأثرش الحمل عليكى بعد كدة كلى فاكهة كلى خضراوات كلى جزر كل الحاجات دية مهمة اوى ليكى كلى زبادى بدل اللبن لو مش حباه بصى حاولى تعوضى نفسك عن الحاجة اللى نفسك مش جيباكى ليها علشان متتعبيش وتكون فترة الحمل فترة كويسة عليكى انشاء الله | |
|
| |
Reham M. Radwan عضو فعال
عدد الرسائل : 197 العمر : 39 تاريخ التسجيل : 11/10/2009
| موضوع: رد: مساعدة من المتزوجات الثلاثاء فبراير 02, 2010 11:51 am | |
| ده غير انك مش لازم تكترى من الأدوية خصوصا الحبوب وخلى الدكتور يكتبلك على حاجات للكالسيوم انا كنت باخد كالسيوم كان عامل زى الشيكولاتة كدة كان حلو اوى وفضلت مستمرة عليه لحد اخر الحمل | |
|
| |
رضوي حلمي عضو نشيط
عدد الرسائل : 91 العمر : 38 تاريخ التسجيل : 11/07/2009
| موضوع: رد: مساعدة من المتزوجات الثلاثاء فبراير 02, 2010 12:03 pm | |
| ميرسي يا ريهام ربنا يخليكي طمنتيني اني حالتي مش مستعصية | |
|
| |
Reham M. Radwan عضو فعال
عدد الرسائل : 197 العمر : 39 تاريخ التسجيل : 11/10/2009
| موضوع: رد: مساعدة من المتزوجات الثلاثاء فبراير 02, 2010 12:10 pm | |
| لا بس متزوديهاش انتى بس علشان الراجل ميتخنقش منك ومن اللى فى بطنك قبل ما ييجى خلى بالك دول نفسهم قصير اوى وبيتخنقوا بسرعة وعلشان مش بيكونوا حاسين باللى بنحس بيه بيفكرونا بندلع | |
|
| |
رضوي حلمي عضو نشيط
عدد الرسائل : 91 العمر : 38 تاريخ التسجيل : 11/07/2009
| موضوع: رد: مساعدة من المتزوجات الثلاثاء فبراير 02, 2010 1:32 pm | |
| و الله عندك حق هو خلاص اتخنق من كتر مابتعب بس انا بجد خلاص مش طايقة اشم اي حاجة اكل او حتي برفانات او مزيل العرق بتاع جوزي ببأه هموت نفسي انام في اودة لوحدي | |
|
| |
ن.س عضو نشيط
عدد الرسائل : 83 العمر : 44 تاريخ التسجيل : 19/12/2009
| موضوع: رد: مساعدة من المتزوجات الثلاثاء فبراير 02, 2010 6:46 pm | |
| الف الف الف مبروك يا رضوى اهم حاجة انك تقسمى وجباتك على اليوم كله يعنى عدد وجبات كتير لكن كميات قليلة فى كل مرة وزى ما ريهام قالت كلى اشياء مفيدة وحاولى فعلا تركزى على الفاكهة وبدائل للبن لو مش خباه زي ارز باللبن زبادى بليلة ودى مفيدة اوى سحلبلان الكالسيوم والحديد مهمين اوى وبعدين انشاء الله بعد الشهر الثالث كل دة بينتهى | |
|
| |
رهف الكلام عضو ملكي مميز
عدد الرسائل : 826 العمر : 41 الدولة : مصر العمل/الترفيه : العمل باوريفليم تاريخ التسجيل : 21/12/2009
| موضوع: رد: مساعدة من المتزوجات الثلاثاء فبراير 02, 2010 7:15 pm | |
| مبروك يارضوى وربنا يتمم لك بخير يا رب بصى يا قمر فى نوع حمل بيبقى زى حالتك دى وينتهى بانتهاء اشهر الوحم يعنى لحد الثالث وترجعى عادى ودى زى حالتى بس ان كنت بغصب على نفسى واكل عشان البيبى وعشانى لما كنت احس انى ساتقيء كنت اكل مستيكة نعناع وكانت بتصد معايا والحمد لله وفى نوع حمل بعيد عنك يارب بيكون كل شهور الحمل كده بس اهم شيء انك تاكلى كويس وما تاخدى ادوية فى الحمل كثيرة خدى فيتامينات وكالسيوم وحديد زي ما الدكتور يقول وحاولى انك تاكلى اكل مليان بالحديد واشربى لبن وزبادى وفى الاخر حافظى على البيبى وعلى نفسك ألف مبررووووووووووووووووووووووووك | |
|
| |
رضوي حلمي عضو نشيط
عدد الرسائل : 91 العمر : 38 تاريخ التسجيل : 11/07/2009
| موضوع: رد: مساعدة من المتزوجات الأربعاء فبراير 03, 2010 7:27 am | |
| ميرسي ياقمرات علي ردودكم و الله طمنتوني و يارب تنتهي الحالة دي الشهر التالت | |
|
| |
رحاب عضو ملكي مميز
عدد الرسائل : 748 العمر : 44 الدولة : القاهرة العمل/الترفيه : عضوة باوريفليم مصر تاريخ التسجيل : 02/06/2008
| موضوع: رد: مساعدة من المتزوجات الأحد فبراير 07, 2010 10:05 pm | |
| الف مبروووووووووك يا قمر يارب يتملك على الف خير بصى يا جميل بصراحة الى قالوا البنات يكفى ويزيد بس انا هقولك حاجة انا شخصيا كانت بتعمل معايا نتيجة حلوة اوى عشان القئ وهى البان كل ماتحسى انك بالقئ امضغى لبانة ولو السكر بيضايق هاتى لبان من غير سكر فى حاجة كمان لما تقومى من النوم خليكى قاعدة فى السرير شوية ولما تيجى تقومى قومى براحة خالص ونزلى رجلك الاول وبعدين باقى جسمك دة هيقلل شوية احساس الدوخة والقئ بتوع الصبح يارب اكون قدرت افيدك وربنا يوقمك بالسلامة يا قمر | |
|
| |
رضوي حلمي عضو نشيط
عدد الرسائل : 91 العمر : 38 تاريخ التسجيل : 11/07/2009
| موضوع: رد: مساعدة من المتزوجات الإثنين فبراير 08, 2010 7:35 am | |
| ميرسي يا رحاب انا فعلا بدأت اعمل كده و الحمد لله حالتي اتحسنت شوية و يارب يهون الشهر ده عشان ادخل في الرابع واستريح | |
|
| |
omseif عضو فعال
الاوسمة : عدد الرسائل : 184 العمر : 38 تاريخ التسجيل : 29/11/2009
| موضوع: رد: مساعدة من المتزوجات الإثنين فبراير 08, 2010 7:56 am | |
| الف مبروك يارضوى على الحمل ربنا يتمملك بخير والله البنات مخلوش ولا فتفوته اقولهالك ربنا يجازيهم خير انتى عارفه انا كنت كده وحتى حسيت نفسى خسيت خالص فى اول الحمل وجيت بعد الشهر التالت كنت باكل ليا وللشارع كله ورايحه جايه على التلاجه وكنت باكل اكل جوزى وكانت الناس بتضحك عليا وانا استهبل فيها واقول ده مش انا ده النونو معلش استحملى شويه وان شاء الله كل ده هينتهى بعد الشهر التالت واستمتعى بحملك وبعد الشهر التالت ان شاء الله الدكتور هيديكى حديد وكالسيوم عشان النونو ابتدى يكون عظام ويارب تجيبيلنا احلى واطعم نونو فى الدنيا وربنا يرزقك بطفل سليم ومعافى ويجعله بار بوالديه يارب اتمنالك التوفيق | |
|
| |
رضوي حلمي عضو نشيط
عدد الرسائل : 91 العمر : 38 تاريخ التسجيل : 11/07/2009
| موضوع: رد: مساعدة من المتزوجات الإثنين فبراير 08, 2010 9:10 am | |
| ميرسي يا ام سيف وربنا يجازيكي خير علي دعواتك الجميلة دي | |
|
| |
R_Oriflame عضو فعال
عدد الرسائل : 100 العمر : 48 تاريخ التسجيل : 25/12/2008
| موضوع: رد: مساعدة من المتزوجات الأربعاء مارس 17, 2010 4:44 am | |
| الف مليون مبروك يا رضوى و تقومى بالسلامة يارب صدقينى كل ده هاينتهى بمجرد دخولك الشهر الرابع و ان شاء الله هتلاقى نفسك طبيعية جدا هما الثلاث اشهر الاولى غلسين كده معلش استحملى شوية و هانت ان شاء اللهو ربنا يكرمك بالذرية الصالحة امين | |
|
| |
مدام هند عضو جديد
عدد الرسائل : 39 العمر : 44 تاريخ التسجيل : 15/12/2009
| موضوع: رد: مساعدة من المتزوجات الأربعاء مارس 17, 2010 9:43 pm | |
| مبروك يا قمراية ربنا يتمملك على خير يا رب بالنسبة للاعراض اللى انت بتقوليها دية كلها اعراض طبيعية وهتستمر معاكى لاخر يوم فى الشهر الثالث من الحمل واحيانا قد تطول لاسبوع كمان فى الشهر الرابع من الحمل دة كلة عادى متقلقيش ودية كلها اعرض غصب عنك مش بمزاجك وطبيعى جدا ان زوجك يتفهم هذا الامر وكتر الف خيرك على تحمل تعب اعراض الحمل وبالنسبة لكتر القئ والترجيع دية حاجة طبيعية وعلى فكرة حصلى نفس اللى بتقولية فى حملى الاول والتانى برضو نفس النظام دة كلة طبيعة اجسام فى ناس بيحصلها كدة وفى سيدات مش بيحصلها كدة متخافيش بس هقولك على الحاجات اللى تفيدك انشاء الله العصير اشربى عصير باستمرار ما عد عصير الليمون والبرتقال عشان ميزودتش تعب معدتك اللى هى مش ناقصة اساسا تعب تانى حاجة كلى على فترات متقاربة مع اكل قليل جدا متزوديش فى الاكل يعنى انشالة كل ساعتين معلقة واحدة وعليكى بجد اهم حاجة سلطة الخضار واى فاكهة تحبيها وخصوصا الموز واشربى ايضا لبن رايب هيساعدك فى تقليل القئ وبالنسبة لضغطك لازم يبقة واطى عشان مفيش اكل وهرمون الحمل بيخلى الضغط واطى متقلقيش بس لو بتدوخى خلى الدكتور يكتبلك على نقط اسمها ايفروتيل للضغط المنخفض انا كنت ومازلت بستخدمها مفيهاش اى ضرر بس اسالى واستشيرى طبيبك وربنا يتتمملك على الف خير وتقومى بالف سلامة يا رب | |
|
| |
بثينه محمد عضو نشيط
عدد الرسائل : 62 العمر : 37 الدولة : مصر العمل/الترفيه : التسويق لاوريفليم تاريخ التسجيل : 17/03/2011
| موضوع: رد: مساعدة من المتزوجات الثلاثاء مارس 22, 2011 9:50 pm | |
| الف مبروك على الحمل يارضوى وربنا يتمم لك على خير ان شاء الله انتى تقريبا فى الشهر الرابع دلوقت طمنينا ايه الاخبار ياترى فى ترجيع لسه ولا لأ انا كمان حاليا فاضل لى اسبوع وهدخل فى السابع انا الحمد لله محسيتش با حاجه خالص اول 3 شهور بس لازم اختم كل شهر بترجيعه وشويه تعب بس انا بطنى صغنونه خالص مش باينه انى فى السادس وساعات لما اكون قرفانه عليكى باللبان زى ما قالولك واوعى تهملى فى اكلك او اللبن ومنتجاته اشربيه زى الميه والخضار والفاكهه مهمين جدا وحطى فى دماغك دايماالمعادله دى (لبن+موز=جميع العناصر الغذائيه) وابعدى عن الادويه وكونى حذره معاها وخدى بالك من نفسك جدا لان البيبى كل ما يكبر انتى بتضعفى معاه وبياخد منك اكتر وجسمك بيبقى حساس جدا ومناعتك ضعيفه وكمان ابعدى عن العصبيه خدى بالك من نفسك ياقمر وربنا يتمم لك على خير وانا معاكى | |
|
| |
toti_roro عضو vip
عدد الرسائل : 320 العمر : 34 الدولة : مصر العمل/الترفيه : ربة منزل تاريخ التسجيل : 27/01/2010
| موضوع: رد: مساعدة من المتزوجات الثلاثاء مارس 22, 2011 10:47 pm | |
| على فكرة يا بثينة هى رضوى زمانها ولدت وقامت بالسلامة لانها حامل من 2010 ومبروك عليكى الحمل وربنا يكملك على خير انا برضو حامل بس انا دخلت فى التاسع امبارح وانشاء الله هجيب ولد انت عرفتى هتجيبى ايه؟ وانا معاكى فى كل الحاجات اللى انت قولتيها بس بصراحه انا منتش بنفذها وربنا يستر | |
|
| |
بثينه محمد عضو نشيط
عدد الرسائل : 62 العمر : 37 الدولة : مصر العمل/الترفيه : التسويق لاوريفليم تاريخ التسجيل : 17/03/2011
| موضوع: رد: مساعدة من المتزوجات الأربعاء مارس 23, 2011 12:05 am | |
| انا والله ما اخدت بالى ههههههههههههههههههه انا فكرتو مارس السنادى انا هجيب بنوته ان شاء الله الا اذا رجعت فى كلامها وقلبت | |
|
| |
secret.whisper عضو ملكي
عدد الرسائل : 462 العمر : 41 تاريخ التسجيل : 03/01/2011
| موضوع: رد: مساعدة من المتزوجات الأربعاء مارس 23, 2011 4:17 pm | |
| ههههههههههههههههه كويس انى اخدت بالى من كلامك يا توتى كنت هرد عليها زمانها ولدت وشبعت ولادة ههههههههه وربنا يقومكم بألف سلامة ونصيحتى ليكم حتى بعد ماتولدوا الكاااااااااااااااااااااالسيوم انتى بعد ماتولدى هتفقدى كتير من الكالسيوم اشربى لبن وكلى بيض وخضراوات وخدى كالسيوم حبوب وكل يوم ع الريق بعد الولادة معلقة عسل كبيرة و7 تمرات وبعدها بشوية 2 بيضة مسلوقة وقطعة جبنة واشربوا ماء كثيييييييييييير ولبن وحلبة معلش تعالوا شوية على نفسكم فى الحلبة لان ال3 حاجات دول هما اللى بيدروا اللبن مش اى حاجه تانية وربنا يقومكم بألف سلامة يارب | |
|
| |
sobysoo عضو ملكي VIP
عدد الرسائل : 907 العمر : 36 تاريخ التسجيل : 09/10/2010
| موضوع: رد: مساعدة من المتزوجات الأربعاء مارس 23, 2011 6:04 pm | |
| ربنا يقومكوا بالسلامه ياااااااااااارب ياتوتي انتي وبثينه | |
|
| |
hananelhosiny عضو فعال
عدد الرسائل : 129 العمر : 55 تاريخ التسجيل : 24/02/2011
| موضوع: رد: مساعدة من المتزوجات الأربعاء مارس 23, 2011 9:18 pm | |
| ربنا يتم لكم على خير وتقوموا بالسلامه ونطمن عليكم ( توتى وبثينه ) ولانقول أم فريده أيه رأيك يا بثينه فى الأسم ده أما موضوع هتجيبى بنت فانا وعن تجربه شخصيه من 11 سنه كنت عامله سونار وقالوا بنت وجبت ولد وكانت مفاجأة لكل العائله وعلشان ما أشكش أنه أتبدل طلع شبه باباه بالظبط ودعائى لكم | |
|
| |
بثينه محمد عضو نشيط
عدد الرسائل : 62 العمر : 37 الدولة : مصر العمل/الترفيه : التسويق لاوريفليم تاريخ التسجيل : 17/03/2011
| موضوع: رد: مساعدة من المتزوجات الأربعاء مارس 23, 2011 9:29 pm | |
| والله انا كمان مش متاكده وخايفه اجيب لبس بناتى يطلع ولد كان نفسى فى ولد لحد اللخامس لما الدكتورة قالت لى بنت بدات احلم بيها واتخيلها وخايفه تقلب تانى شكرا على الاسم هو جميل وله معنى بس حاسه انه قديم شويه لكن على العموم شكرا | |
|
| |
nona84 عضو ملكي
عدد الرسائل : 495 العمر : 39 تاريخ التسجيل : 06/12/2010
| |
| |
rogi عضو فعال
عدد الرسائل : 169 العمر : 41 الدولة : مصر العمل/الترفيه : ربة منزل /اوريفليم تاريخ التسجيل : 11/01/2011
| موضوع: رد: مساعدة من المتزوجات الخميس مارس 24, 2011 10:59 am | |
| ربنا يقومكم بالسلامة ويا رب يا بثينة تجيبي البنت اللي نفسك فيها عشان تعمليلها فيونكات و تبدا تاخد حاجت اوريفليم من السنة التانية وحطها وتلبس جزمتك وتمسك شنطتك وتقولك باى ز انا عارفة ايه اللماضة اللى نازلة على الجيل ده | |
|
| |
بثينه محمد عضو نشيط
عدد الرسائل : 62 العمر : 37 الدولة : مصر العمل/الترفيه : التسويق لاوريفليم تاريخ التسجيل : 17/03/2011
| موضوع: رد: مساعدة من المتزوجات الخميس مارس 24, 2011 4:36 pm | |
| الله......................... يارب يجيلى بنوته حلوة كده وربنا يخليكو ليا وشكرا ليكم كتير | |
|
| |
hananelhosiny عضو فعال
عدد الرسائل : 129 العمر : 55 تاريخ التسجيل : 24/02/2011
| موضوع: رد: مساعدة من المتزوجات الخميس مارس 24, 2011 5:42 pm | |
| - بثينه محمد كتب:
- والله انا كمان مش متاكده
وخايفه اجيب لبس بناتى يطلع ولد كان نفسى فى ولد لحد اللخامس لما الدكتورة قالت لى بنت بدات احلم بيها واتخيلها وخايفه تقلب تانى شكرا على الاسم هو جميل وله معنى بس حاسه انه قديم شويه لكن على العموم شكرا خلاص بلاش فريده ..... أيه رأيك فى يمنى | |
|
| |
marobader ملكي نشيط
عدد الرسائل : 530 العمر : 36 تاريخ التسجيل : 21/12/2010
| موضوع: رد: مساعدة من المتزوجات الخميس مارس 24, 2011 7:22 pm | |
| ده فريدة اسم جميل و الله الموكوس جمال مبارك مسمي فريدة انا هسمني لو ربنا كرمني ببنت امة الرحمن عشان تبقا مع اخوتها المستقبلين عبدالرحمن و عبدالهادي :) | |
|
| |
بثينه محمد عضو نشيط
عدد الرسائل : 62 العمر : 37 الدولة : مصر العمل/الترفيه : التسويق لاوريفليم تاريخ التسجيل : 17/03/2011
| موضوع: رد: مساعدة من المتزوجات الخميس مارس 24, 2011 8:32 pm | |
| خلاص بلاش فريده ..... أيه رأيك فى يمنى [/quote] والله حاسه ياجماعه انى غلبتكو معايا شكرا ليكى ياحنان جدا بسسسسسسسس.................... البننوته عمتها اسمها يمنى | |
|
| |
hananelhosiny عضو فعال
عدد الرسائل : 129 العمر : 55 تاريخ التسجيل : 24/02/2011
| موضوع: رد: مساعدة من المتزوجات الخميس مارس 24, 2011 9:02 pm | |
| - بثينه محمد كتب:
-
خلاص بلاش فريده ..... أيه رأيك فى يمنى والله حاسه ياجماعه انى غلبتكو معايا شكرا ليكى ياحنان جدا بسسسسسسسس.................... البننوته عمتها اسمها يمنى أخر محاوله يمكن تنفعفريده قديم ... ويمن عمتها ... أيه رأيك سلسبيل أو فرح ؟؟مهو لازم أكسب المسابقة دى وأخد الهديه [/quote] | |
|
| |
nona84 عضو ملكي
عدد الرسائل : 495 العمر : 39 تاريخ التسجيل : 06/12/2010
| موضوع: رد: مساعدة من المتزوجات الخميس مارس 24, 2011 9:05 pm | |
| انتى مفيش خالص اسماء معينة نفسك فيها يا قمر طب ايه رايك فى لينا روان بتول ليمار ريتاج ميار روضة سما جومانة سيرين فيروز نور كنزى زينة مريم جنا | |
|
| |
| مساعدة من المتزوجات | |
|