ايهما تفضلين جواز الصالونات ام عن حب ؟

ايهما تفضلين زواج الصالونات ام عن حب؟

موضوع معرفش مكرر ولا لا الا انى مش بكتبه كموضوع بكتبه كسؤال عوزه رده لانه يهمنى
تفتكرو جواز الصالوانت احسن ولا الحب وانهى بينجح ويدوم؟ بجد الاجابه تهمنى اوى

السلام عليكم ازيك يا مرمرانا معجبه بيكى من زمان بس مش بشارك كتير وانتى سوءالك مهم والرد عليه صعب
لان الموضوع دا حيوى ودى عشرة عمرمش يوم او اتنين بس فى النهايه كل واحد بياخد نصيبه اللى ربنا كاتبه
نصيحتى ليكى انك تستعينى بالله وصلاة الاستخاره باستمرارلانه فى الاول وفى الاخر اللى رايده ربنا هايكون
مش ضرورى الى نحبه نرتبط بيه ممكن ربنا ميكونش رايد
بس ممكن اللى نرتبط بيه نحبه لان ربنا عايز كده
(وما تشاؤن الا ان يشاء الله)
ودا دعاء انا دايمه بحبه وادعيه لما اكون محتاره(اللهم خير لى واخترلى ودبر لى فانى لا احسن التدبير) ويا رب اكون افدتك

بصي يا قمر انا عن نفسي طول عمري ضد الحب قبل الجواز و شعاري" مفيش احسن من الصالونات" لانك بتختاري بعين عاقلة
بس بصراحة لما جربت خطوبة الصالونات بعيد عنك مكملتش شهر و كنت خالعة منه مع ان الكل كان بيقول فيه اشعار بس انا مكنتش حاسة بيه و اعتقد ان هو كمان مع اني حاولت احبه
بس الوقتي الحمد لله اتجوزت عن طريق الحب لا يا جماعة الجواز عن حب حاجة تانية خاااااااااااالص بس طبعا مش حب بتاع الايام دي لا مجرد اعجاب من غير لف ولا تليفونات اخر الليل ولا الكلام اللي يغضب ربنا
بس في الاول و الاخر الجواز ده قسمة ونصيب و اللي مكتوب علي الجبين يابنتي لازم تشوفه العين

يعني انتي من اول ماتتولدي معروف هتتجوزي مين. فستني نصيبك و متدوريش علي طريقة الجواز

ميرسى يا رضوى ويا رحمه وميرسى لمتعبتك ليه يارحمه كلو من ذوقك ياقمر انا بسال السوال ده لانى حابه اعرف تفكيركم زيه ولالا ؟؟ وميرسى لردك يارضوى وعلى رايك فعلا كل واخد بياخد اللى مكتوب

موضوع جميل بس انا لسة مجربتش بس جواز الصالون بيدوم وفرصة نجاحة اكتر لانة عن طريق العقل ومراعاة الظروف الاجتماعية والمادية اما عن طريق الحب بيبقى العقل متحيز وممكن تتنازلى عن حاجات كانت فى الاصل مهمة فى شروطك وفى الاغلب بعد ما يتجوزة بتنكشف الفروق الى بينهم وفى الاغلب بيسيبة بعض بس انا نفسى يعنى نبتدى بأعجاب وتقبل ويبقى شى رسمى وبعدين احبة يعنى فى الخلاصة احبة بس فى رضة ربنا وبموافقة الاهل

سؤال صعب لان اى حد مش جرب الحب بيكون مؤيد لجواز الصالونات و انا كان رايى كده لحد ما حبيت اتغير رايى طبعا انا مع الجواز عن حب بشرط انك تكونى مش تدورى عليه يعنى مش بتصاحبى و تعرفى ناس عشان يمكن تحبى واحد منهم دى بقى الى نظريه غلط تماما لو ليكى نصيب انك تقابلى حد و يحصل الحب هيحصل لما تكونى مش مستنياه و تكونى عرفتيه عن طريق حاجه مشروعه مش من على النت يعنى و الحاجات دى و ده نصيب جداااااااا من عند ربنا
مميزات بقى الجواز عن حب معروفه طبعااااا بس الجانب الى انا حسيت بيه انى بكون عرفت الشخص كويس و عارفه طباعه و شخصيته و مقتنعه بيها بشرط انك تكونى بتفكرى فى الانسان ده بالعقل برضو ده الانسان الوحيد الى هتختاريه فى حياتك الواحد مش بيختار اهلو و لا اخواته و لا اولاده
لكن جواز الصالونات فتره الخطوبه كل واحد بيكون مستخبى ورا ستاره حلووه اوى و بيرسم للى قدامو اجمل ما فيه و ده بقى لمستو فى جوازات حواليا كتير انهم شافو شخصيات تانيه غير الى عرفوها فى الخطوبه
و على فكره ده ممكن يحصل فى الحب برضو بس ده على حسب الظروف الى جمعتهم و خلتهم يحبو بعض و على حسب الشخصيات نفسها
ف لو كان احتكاكهم ببعض جه عن طريق شغل او دراسه فى صعب ان كل واحد يجمل التانى كتير كل واحد بيبان تصارفتو و طبيعتو بسبب المواقف الى بتفرضها الاماكن دى
و برضو ممكن يحصل عن طريق جوازات الصالونات انهم يعرفو بعض كويس من غير ستاير و لا حاجه
فى الموضوع مش ان الواحد يقول يا جواز صالونات ياااااا جواز عن حب صعب انهم تقولى يا ده يا ده كل طريقه بيعتمد ناجحها على الشخصيات نفسها و فيه جوازات عن حب فاشله و فيه جوازات صالونات فاشله و العكس صحيح
معلش طولت عليكى بس انا شايفه ان الموضوع معقد و ليه ابعاد كتيره منها تقبل الى حواليكى لفكره انك تحبى قبل الجواز و منها انك مش تعملى حاجه تغضب ربنا و تحقيق المعادله دى صعب
من الاخر يعنىىىىىى شايفه انك تسيبها لربنا و النصيب و مايكونش الجواز هدف الواحد بيوصلو لا لكن يحقق اهدافه فى الحياه و فى الطريق ان شاء الله ربنا هيرزقك بنصيبك و شكرا على الموضوع الحلو ده