مجلة اوريفليم اغسطس 2009

ميرسي يا روشا Razz

لو سمحتى يا روشا كنت عايزه اسالك على حاجه فى مجله شهر سبعه كان فى مسابقه الجمال ل 2009 ايه قصه المسابقه دىوتفاصيلها ومرسى ليكى Sleep

ميرسى يا روشا

بس عايزة اسالك هو الحاجات دى ممكن برضه الواحد يكمل بيها ال 100 نقطة

ولا نظامها ايه؟؟؟؟؟؟

بسمه عثمان كتب:: لو سمحتى يا روشا كنت عايزه اسالك على حاجه فى مجله شهر سبعه كان فى مسابقه الجمال ل 2009 ايه قصه المسابقه دىوتفاصيلها ومرسى ليكى

بالنسبة لمسابقة الجمال حبيبتي بسمة هي بتتعمل كل فترة في اوريفليم

بس انا مش بحب اركز عليها قوي لان بيكون فيها مخالفات شرعية في التصوير والمكياج ومش بحب اني ادعوا للاشتراك فيها

لكن انا هحكيلك التفاصيل

هما بيفتحوا المجال للتقديم فيها

وبتقدم بنات كتير صورها ليهم وهما اللي بيختاروا البنات اللي هيعملولهم نيو لوك وغيروا شكلهم بالمكياج والملابس

زي برنامج جويل علي ال MBC 1 لو بتشوفيه

يعني بعد ما يختاروا البنات بياخدوهم علي مصفف شعر محترف

وبيلفوا بيهم علي المحلات الكبيرة يختارولهم اللي هيلبسوه ويكون مناسب ليهم

وبعد كدة بتعملهم المكياج الاستاذة نرمين طارق خبيرة تجميل اوريفليم

وبيلبسوا الملابس الجديدة وتاخدهم علي ستوديو التصوير

ويصوروهم محترفين زي صور المجلات والممثلين

ويعرضوا افضل الصور اللي اخدوها ليهم في المجلة بتاعة اوريفليم وبيعرضوا فيديو ليهم كمان علي سي دي في الفرع

وده كل شيء يا جميل

واذا افتكرت حاجة تانية هقولك ان شاء الله]

cute cat كتب:: ميرسى يا روشا

بس عايزة اسالك هو الحاجات دى ممكن برضه الواحد يكمل بيها ال 100 نقطة

ولا نظامها ايه؟؟؟؟؟؟

تمام يا عسل

تقدري تكملي بيها النقط عادي

بس بتكون بالشروط المكتوبة في العرض

يعني مثلا تحققي عدد نقاط من كذا لكذا علشان تاخدي 3 منتجات بالسعر المخفض ده

ولو عايزة توضيح اكتر قوليلي يا جميل

السلام عليكم و رحمه الله و بركاته

جزاكى الله كل خير يا رشا
ربنا يزقك الخير بمجهودك دا

ندخل على الاسئلة
affraid

اولا هو جهاز بخار الوجه دا كويس
و لا له اضرار و كمان استعماله سهل و لا صعب ؟
علشان اعرف انا هشتغل على كام نقطة ان شاء الله

ثانيا مواعيد الايام المفتوحة
و المحاضرات
و الكشف على البشرة
و حفلة خطوة 1
كنت عايزة اعرف رايك اروح و لا لأ ؟

و كمان بيكون فى أيام العناية بالبشرة لو حققت نقط معينة تنظيف بشرة .. الحاجات دى كويسة و بيكون نساء اللى بتعملها و لا ايه ؟

معلش يا رشا .. انا عارفة ان الاسئلة كتير
بس الدنيا دى جديدة عليا و انا واخدكى اخت
ربنا يكرمك ..

cherry

شكرا ليكي يازمزم علي اسئلتك المفيدة
ومشاركاتك القيمة
affraid

اولا هو جهاز بخار الوجه دا كويس
و لا له اضرار و كمان استعماله سهل و لا صعب ؟
علشان اعرف انا هشتغل على كام نقطة ان شاء الله

جهاز البخار ده كويس وماليهوش اضرار لو استخدمناه صح
يعني ما تعرضيش وجهك للبخار اكثر من 10 دقائق
ولا اكثر من مرتين في الشهر
علشان ما يعملش ترهلات في البشرة وتجاعيد مبكرة
واستعماله سهل جدا ...

ثانيا مواعيد الايام المفتوحة
و المحاضرات
و الكشف على البشرة
و حفلة خطوة 1
كنت عايزة اعرف رايك اروح و لا لأ ؟

مواعيد الايام المفتوحة دي بيكون فيها السحب علي هدايا من اول 100 نقطة
يعني بيكون السحب علي الفاتورة ال 100 نقطة و200 و300 و400 نقطة
وكمان فيها هدايا عينات مجانية

اما محاضرات التجميل فهي مفيدة جدا وياريت تحضريها
وحفلة step 1 دي كمان حلوة قوي بتحسسك بروح اوريفليم وبتشوفي فيها نماذج من الاعضاء الناجحة
وتتشجعي من كلامهم ..... لكن المعلومات اللي فيها مش هتلاقي جديد عن المحاضرة الاولي في قسم المجموعة الخاصة بالمنتدي

اما بالنسبة للكشف علي البشرة
ده بيكون كشف بالكمبيوتر علي البشرة مجانا مع الاستاذة امل محمود
ولكن بيكون زحام كتير عليها فلو عايزة تعملي كشف تروحي قبل المعاد وتنقضي عليها ههههههههه
وبيكون فيه كشف علي البشرة ايضا مع تنظيف البشرة في ايام العناية بالبشرة
بس لازم تكوني عاملة 100 نقطة في نفس يوم العناية بالبشرة علشان تقدري تعملي الكشف وتنظيف البشرة

و كمان بيكون فى أيام العناية بالبشرة لو حققت نقط معينة تنظيف بشرة .. الحاجات دى كويسة و بيكون نساء اللى بتعملها و لا ايه ؟

تنظيف البشرة طبعا جميل جدا وبيتكلف كتير لو عملتيه بره في اي مكان
وماتقلقيش لانه بيكون نساء هي اللي بتعمله

واسئلتك ماشاء الله حلوة وفرحت انك سالتيها علشان الكل يستفاد
وربنا يوفقك الي مايحبه ويرضاه..

cherry

رشا ربنا يكرمـــــــك للرد فعلا

طيب معلش كمان سؤال

هو لو عملت عدد نقط من 200 او 300... هيكون ليّا باذن الله العرض اللى نازل

طيب معنى كدا انى مش هاخد حاجات البرنامج الترحيبى بتاعى ؟

يعنى دا بيلغى دا و لا هاخد الاثنين عادى .. شفتى الطمع sdf

و اللهم آميـــــــن لدعائك الجميل رشا
آمين و لكِ بالمثل حبيبتى

زمـــزم كتب:: رشا ربنا يكرمـــــــك للرد فعلا

طيب معلش كمان سؤال

هو لو عملت عدد نقط من 200 او 300... هيكون ليّا باذن الله العرض اللى نازل

طيب معنى كدا انى مش هاخد حاجات البرنامج الترحيبى بتاعى ؟

يعنى دا بيلغى دا و لا هاخد الاثنين عادى .. شفتى الطمع

و اللهم آميـــــــن لدعائك الجميل رشا
آمين و لكِ بالمثل حبيبتى

بصي حبيبتي فيه عرضين

عرض برنامج الترحيب وده للمشتركين الجدد

اما العرض التاني برنامج الاعمال وهو الهدايا اللي علي ال200 و300 و500 نقطة ده بيكون للاعضاء القدامي

يعني الاعضاء اللي خلصوا برنامج الترحيب بتاعهم ال4 شهور

لكن اذا تحبي تاخدي هدايا برنامج الاعمال قوليلي وانا بعد ما تعملي ال 100 نقطة علي كودك وتاخدي هديتك

من برنامج الترحيب بتاعك .... وعندك لسة نقط تانية ممكن اديلك كود تكملي عليه وتاخدي هدية برنامج الاعمال

بس انت تامري يا جميل وعيوني ليكي

والكلام ده لكل اعضاء المنتدي اللي عايز هدايا برنامج الاعمال يقولي وانا هساعده

وشكرا ليكي يا زمــــزم

تمام كدا .. ربنا يكرمك للتوضيح يا رشا
و ربنا يكرمك جدااااااااااا للعرض اللى قلتيه

جزيتى كل الخير

ميرسي يا روشا كتير ع الافاده دي
بس هل الاكواد لي هتديعا لينا دي اصحابها هيكونو اصلا شغالين عليها ووصلو لهديه معينه وهيسقطو الباقي يعني مثلا حققو ال 200 نقطه ومش هيكملو برنامج الاعمال ل 500 نقطة؟
ولا هما اصلا بيكونو مش عاملين نقط خالص عليها ؟
وميرسي كتيييييير مرة تانيه

مظبوط يا mayoya كلامك

والاكواد اللي اديهالكم هتكون اصحابها اما ما قدروش يكملوا نقاطهم او عملوا منها 200 مثلا وانتم تكملوا عليها

وهيكون بعد موافقة اصحاب الاكواد وبعلمهم

وما تقلقيش هيكون ليكم حق اختيار الاكواد اللي تحبوا تكملوا عليها وتبقوا عارفين هما واصلين لكام نقطة

ميرسي كتييير حبيبة قلبي طيب ان شاء الله انا عايزة اعمل اوردر تاني وانا عملت 100 نقطه خلاص واخدت الويلكم التاني يا ريت تقوليلي الاكواد اللي اقدر اعمل عليها اوردر ايه هيه عشان ان شاء الله اطلب النهاردة او بكرة لو لحقت
وميرسي كتيير فعلا يا قمر

اوكي حبيبتي هكلمك الصبح ان شاء الله وابلغك بالاكواد

شكرا يارشا على مواضيعك ةالجميلة
ممكن اعرف ايه اللازم لحضور محاضرات تجميل نرمين طارق يعنى ليها اشتراك واجراءات معينة ولا اى شخص ينفع يحضرها؟
وكمان محاضرات ميرا هى محاضرات للتجميل ولا ايه؟
ومدة محاضرات نرمين طارق بتبقى كام ساعة؟ومواعيدها امتى؟
وجزاك الله خيرا

الشكر لله يا جميل

كل المطلوب لحضور محاضرات التجميل المجانية لنرمين طارق انك تكوني عضوة باوريفليم وماليهاش اشتراك تاني ولا اي اجراءات

غير العضوية بس

ومحاضرات ميرا كمان هي نفسها محاضرات نرمين طارق

بس نرمين في القاهرة وميرا في الاسكندرية

وبتكون مواعيد المحاضرات اقصلها ساعتين بس

عندى سؤال ونفسى اعرف اجابته من حد زيك بصراحه ازاى نجحتى فى اوريفليم وازاى بدأتى وعملتى ايه علشان تنجحى لان حابه المجال ده اوى وحابه انى انجح فى بس مشكلتى انى معنديش علاقات ومش عارفه اعمل ايه بس انا طموحه اوى وعندى امل بس حابه تقوليلى انتى بدأتى ازاى وعملتى ايه علشان تنجحى مع العلم انى مخلصه جامعه ومش بشتغل وها ابقا مشكورة ليكى جدا لو رديتى عليه

انا عاوزة هدايا الاعضاء القديمه لشهر اغسطس

مروة سمير محمد كتب:: عندى سؤال ونفسى اعرف اجابته من حد زيك بصراحه ازاى نجحتى فى اوريفليم وازاى بدأتى وعملتى ايه علشان تنجحى لان حابه المجال ده اوى وحابه انى انجح فى بس مشكلتى انى معنديش علاقات ومش عارفه اعمل ايه بس انا طموحه اوى وعندى امل بس حابه تقوليلى انتى بدأتى ازاى وعملتى ايه علشان تنجحى مع العلم انى مخلصه جامعه ومش بشتغل وها ابقا مشكورة ليكى جدا لو رديتى عليه

اهلا بيكي يا مروة ونورتي منتدانا بوجودك
النجاح سهل في اوريفليم للطموحين واللي عايزين يحققوا حاجة وعندهم هدف
وبصرحة سؤالك عجبني جدا وطموحك كمان
ضيفيني علي الماسنجر
roshabakr@yahoo.com
واحكيلك بالتفصيل يا جميل

ممكن انا كمان أضيف حضرتك ..

ممكن ..
albino

او تحكلنا هنا افضل
انا متشوقة جداااا انى اسمع من حضرتك

Embarassed

اه فعلا نفس السؤال انا لسه سالاه لمدام رشا ع الميل
عايزة اعرف اعمل ايه بالظبط

زمـــزم كتب:: ممكن انا كمان أضيف حضرتك ..

ممكن ..

او تحكلنا هنا افضل
انا متشوقة جداااا انى اسمع من حضرتك

ان شاء الله يا زمزم

ضيفيني حبيبتي علي الميل ونتكلم علي الماسنجر

لحد ما افضي بس شوية وانزلكم الموضوع في المنتدي

بس ضيفيني ونتكلم علي الماسنجر وان شاء الله توصلي معانا لاعلي الالقاب في اوريفليم

وتحققي نجاحات كتيرة

لانك انسانة طموحة ونشيطة

وربنا يقدرني اني اقدم اللي فيه الخير للجميع

م/ رشا
ربنا يكرم حضرتك

انا خلاص اكسبت حضرتك
و الله حضرتك بتدخلى السرور على قلبى بكلامك دا

مرسي يا زمزم علي كلامك الجميل وان شاء الله نتكلم قريب