استشارات مجانية مع خبيرة التجميل

لا شكر على واجب .... وعموما انا معاكو في اي وقت .. وانا تحت امركوا في اي معلومة تجميلية تخص أوريفليم Embarassed

هاى يا رشا انا بشرتى الحمد لله مش بتجيب حبوب بس مش عارفة فجاه طلعلها زى شوائب كده يعنى حبوب صغيره اوى بس مضايقانى اوى اعمل ايه وانا بشرتى مركبه الى عاديه

roya كتبت :
هاى يا رشا انا بشرتى الحمد لله مش بتجيب حبوب بس مش عارفة فجاه طلعلها زى شوائب كده يعنى حبوب صغيره اوى بس مضايقانى اوى اعمل ايه وانا بشرتى مركبه الى عاديه

الرد :
عندك كام سنة ؟ .... ، وهل في حاجة مضايقاكي ؟ وبتعملي الروتين اليومي ولا لأ ؟

20 ومفيش حاجة خالص بس اعتقد انه من الصن بلوك او الميك اب مع انى مش بحط ميك اب غير فى المناسبات
اما الروتين فبطلته لانه حولى بشرتى كانت عاديه الى مركبة وبقت دهنيه مع انى بستعمل منتجات للمركبه
cherry


roya كتبت :

20 ومفيش حاجة خالص بس اعتقد انه من الصن بلوك او الميك اب مع انى مش بحط ميك اب غير فى المناسبات
اما الروتين فبطلته لانه حولى بشرتى كانت عاديه الى مركبة وبقت دهنيه مع انى بستعمل منتجات للمركبه
الرد :
يجب عليك عمل فحص لنوع بشرتك وهذا الجهاز متوفر لدى اوريفليم وهو ممتاز لمعرفة نوع بشرتك ... ويجب ان تعودي للروتين اليومي والاستغناء عن الصابون تماما ولا تنسي فالروتين اليومي (منظف- تونر - كريم النهار - كريم المساء) ولاتقصري في حق بشرتك وقد يكون سبب هذه الشوائب أو الحبوب الصغيرة شيء داخل البشرة وخرج على هيئة حبوب .. فلا تقلقي ولا تنسي الروتين الاسبوعي (مقشر - قناع) وذلك لازالة الخلايا الميتة وتغذية البشرة من الداخل مرتين بحد اقصى اسبوعياً ... ارجو ارسال اسم الصن البلوك الذي استخدمتيه .. هل هو للوجه ام للجسم ؟

ميرسى اوى يا بسنت الصن بلوك بيوديرما وهو الكبير بتاع الجسم الصيدلى قاللى ان الفرق فى الحجم بس مع انه غالى لكن وحش جدا على بشرتى بيعمل دهون هو مكتوب عليه ميلك بالنسبه للصابون فانا باستخدم ديتول لان ناس نصحونى بيه ومش بستعمل صابون الايد خالص
وايه رايك فى مجموعة التفتيح اللى نازلة الشهر دهفيها صابونه بردوكويسه ولا ايه؟
وممكن ترشحيلى انواع للروتين اليومى تناسب بشرتى وبجد ميرسى يا جمييييل اوى
cherry

اوعي تحطي اي حاجة للجسم على بشرة الوجه ابدا .... لأن بشرة الوجه تختلف عن الجسم اختلاف كلي .... عشان كدة انا سألتك
طيب وقفيه بقى خالص ولازم يكون عندك صن بلوك للوجه وتحطيه قبل ما تنزلي الصبح لأن مصر بقت شمسها قوية جدا ... أما عن الروتين اليومي حسب نوع بشرتك .... لو طلعت مركبة فأفضل حاجة مجموعة الاوبتيمالز بالانس لونها خضرا وممتازة ... بس لازم تتأكدي من نوع بشرتك الأول

وبالنسبة لمجموعة التفتيح حلوة بس لنقاء البشرة فقط ولا تعتبر روتين كامل لأنه ينقصها التونر ولو كانت بشرتك مركبة او دهنية خدي اللوشن مش الكريم والصابونة حلوة لأنها مخصصة للوجه .... بس خليكي في المجموعة الخضرا احسن لو طلعت بشرتك مركبة احسن من الاسينشيال للتفيتح

لا يا بسنت انا عايزة اجيب مجموعة التفتيخ عشان تفتحنى لكن الروتين اليومى ده حاجه تانيه
يعنى رايك الاوبتيمالز احسن حاجةانا استخدمت المجموعة اللى لونها ازرق منظف و تونر وكريم الليل و النهار بتاع البشرة المختلطة الاخضر ده بس بيعمل دهون مش بقدر انزل الصبح بيه مع انى بشرتى مش دهنيه وازاى اكشف على بشرتى فى الشركة و فين وبكام
وميرسى اوى لانك نبهتينى لموضوع الصن بلوك
جزاكى الله خيرا بسنت

يبقى انت اكيد بشرتك دهنية جدا أو مركبة مائلة للدهني .... عموما مجموعة الاوبتيمالز وايتنينج (التبييض) احسن من الاسينشيال (التفتيح) .... وهتلاقي كريم النهار اسمه السائل النهاري لأنه بيميل للبشرة الدهنية اكتر ... وكمان خديها قاعدة الفرق بين الكريم واللوشن ان الكريم يميل للبشرة العادية او الجافة ... اما اللوشن للبشرة المركبة او الدهنية ... ولو عندك اي اسئلة تانية انا موجودة .... يارب اكون افادتك

طبعا افدتينى يا بسنت وانا شوفت المجموعة اللى عندى طلعت هى الاوبتيمالز الخضرا بس للاسف بقالها اكتر من سنة عندى مش بستعملها لانها مش حلوة على بشرتى خالص ومقولتليش اكشف على بشرتى فى الشركة فى اى فرع و بكام واخر سؤال عايزة حاجة للهالات السودا لانها طلعتلى فجاه
وانا اسفه لازعاجك

بالعكس انا بتبسط من الاسئلة لأن ده مجالي ... بالنسبة لسعر فحص البشرة انا معنديش خلفيه لأني خبيرة التجميل في اوريفليم السعودية مش مصر ... بس اكيد هتلاقيه في فرع مصر الجديدة وبالتليفون تقدري تسألي ... الهالات السودا بقى دي حكاية طويلة ...........
اتأكدي انها مش بسبب نقص في الحديد أو الهيموجلوبين واهم حاجة تنامي 8 ساعات ليلاً مش الصبح عشان في مادة بتفرز في الجلد من الساعة السابعة مساءً حتى السابعة صباحاً وغير كدة مش هاتفرز المادة وهاتبقى منطقة العيون فيها مشاكل كتير وانتفاخات وهالات سودا ....فا أهم حاجة تظبطي النوم وبعدين تستعملي كريم العيون بتاع الاسكن ديفيدوال لونه لبني وليه كورة دواره حطيه كل يوم الصبح وبالليل مع كريم النهار والليل وحطيه كدة كأنك بتطبطبي على منطقة العيون وبآخر صباع

باسنت صابر كتب:: بالعكس انا بتبسط من الاسئلة لأن ده مجالي

ميرسي كتير يا بوسبوس وزيا رب دايما كده نكمل بعض عشان نوصل للأحسن ونستفيد

... بالنسبة لسعر فحص البشرة انا معنديش خلفيه لأني خبيرة التجميل في اوريفليم السعودية مش مصر ... بس اكيد هتلاقيه في فرع مصر الجديدة وبالتليفون تقدري تسألي ...

فحص البشرة ده بيبقى ف كذا فرع في مصر واليكس والمنصورة وبيبقى ليها ايام معينة بتوضحها الشركة ف المجلة الشهرية لو في عرض ايام الكشف ع البشرة وتبقى مجاني ع عدد النقاط لي بتعمليها لو 100 مثلا بيبقى كشف وتنظيف بالبخاربس ولو 150 بيقى كشف وتنظيف وتاتو ولو 200 بيكون كشف وتنظيف بالاوزون كده يعني حسب الشهر وعرضه

الهالات السودا بقى دي حكاية طويلة ...........
اتأكدي انها مش بسبب نقص في الحديد أو الهيموجلوبين واهم حاجة تنامي 8 ساعات ليلاً مش الصبح عشان في مادة بتفرز في الجلد من الساعة السابعة مساءً حتى السابعة صباحاً وغير كدة مش هاتفرز المادة وهاتبقى منطقة العيون فيها مشاكل كتير وانتفاخات وهالات سودا ....فا أهم حاجة تظبطي النوم وبعدين تستعملي كريم العيون بتاع الاسكن ديفيدوال لونه لبني وليه كورة دواره حطيه كل يوم الصبح وبالليل مع كريم النهار والليل وحطيه كدة كأنك بتطبطبي على منطقة العيون وبآخر صباع

بس يا بوسبوس مش السكين ديفيدوال ده فوق ال 25 سنة وroya سنها 20 هل ينفع ولا لا؟؟؟؟
وميرسي كتييير

مفيش مشكلة من 20 ... لكن قبل كدة مينفعش ... وعموما منتجات اوريفليم اذا ما نفعتش ما بتضرش

باسنت صابر كتب:: مفيش مشكلة من 20 ... لكن قبل كدة مينفعش ... وعموما منتجات اوريفليم اذا ما نفعتش ما بتضرش

Thanx y 2mr

الهالات السودا بقى دي حكاية طويلة ...........
اتأكدي انها مش بسبب نقص في الحديد أو الهيموجلوبين واهم حاجة تنامي 8 ساعات ليلاً مش الصبح عشان في مادة بتفرز في الجلد من الساعة السابعة مساءً حتى السابعة صباحاً وغير كدة مش هاتفرز المادة وهاتبقى منطقة العيون فيها مشاكل كتير وانتفاخات وهالات سودا ....فا أهم حاجة تظبطي النوم وبعدين تستعملي كريم العيون بتاع الاسكن ديفيدوال لونه لبني وليه كورة دواره حطيه كل يوم الصبح وبالليل مع كريم النهار والليل وحطيه كدة كأنك بتطبطبي على منطقة العيون وبآخر صباع

sorry
المفروض بالاصبع قبل الاخير ... لأنه اضعف اصبع عندنا وبيكون رقيق جدا على هذه المنطقة الحساسة

مساء الخير مجموعة المحترفين كود4648هي بتناسب البشرة المركبة اللي فيها مسام واسعة فوق الشفايف والخدود وكمان في تجاعيد في الوجة ولو تنفع طريقة استخدمها ازاي في كتير بيسالوني عليها و معنديش رد شكرا Sleep

gana كتب:: انا جربت كريم الايكولاجين للعين لكن ما عملش مفعول ملحوظ قوي فياريت تقوليلي اية النوع اللي استخدمة للعين وعلاج لارهاق العين ومنتج لتضييق المسام ياريت ومشكووووووووووورين

كريم سيينج أز بيليفنج حلو وهو مالتي بينيفيت وان شاء الله يجيب نتيجة معاكي بس وانت بتستعمليه خدي نقطة صغنتوتة اوي ع الخنسر واقسميها لنفس الصباع ف الايد التانية واعملي طبطبة رقيقة ع العظام حول العين الجفن العلوي من الداخل للخارج والسفلي من الخارج للداخل ولا تقتربي منطقة بعد العظمة تحت العين لانها منطقة حساسة جدا وانسجتها ضعيفة وهي اول ريدي هتشرب الكريم وتتغذي كويس وابقى عرفينا تجربتك معاه ان شاء الله لما تجربيه
سلام يا قمر

mangom75 كتب:: مساء الخير مجموعة المحترفين كود4648هي بتناسب البشرة المركبة اللي فيها مسام واسعة فوق الشفايف والخدود وكمان في تجاعيد في الوجة ولو تنفع طريقة استخدمها ازاي في كتير بيسالوني عليها و معنديش رد شكرا

مساء النور يا قمر
المجموعة دي بتناسب جميع أنواع البشرة ماعدا الحساسة بداية من سن ال 25 فيما فوق
وهي من خطوتين
الخطوة الاولى هي سكراب مقشر للبشرة لازالة الجلد الزائد والميت وبتستخدم ع وجه نظيف ومبلل يعني بعد ما تغسلي الوجه بالغسول المناسب يستخدم بحركات دائرية من الداخل للخارج ومن اسفل لاعلى بلطف بالاصابع الخنسر والبنسر والوسطى لمدة 5 دقائق وتجنبي تكرار التدليك لنفس المنطقة لمدة طويلة ويستخدم مرتين اسبوعيا واجعليهم مساءا قبل الكريم (الخطوة التانية)
الخطوة التانية هي كريم يوضع يوميا ف المساء قبل النوم بدلا من كريم المساء
وهذه المجموعة (مجموعة العناية بالبشرة) تستخدم بانتظام لمدة شهر كامل لتشعري بالنتيجة المرجوة وهذا يكون الجزء الاول من برنامج التقشير

أما الجزء الثاني فيكون (بمجموعة التقشير) من ديرمو بروفيشنال كود 10983 ايضا وهي الاخرى من خطوتين
الاولى هي سيرم ليلي يعمل ع التخلص من الطبقة لاخارجية للبشرة ويستخدم كل مساء بدلا من كريم المساء
الثانية هي كريم مجدد للبشرة يحفز البشرة لمقاومة عوامل تقدم العمريستخدم يوميا صباحا بدلا من كريم النهار

ملحوظة هذا البرنامج يكرر كل 6 أشهر يعني تستخدم مرتين ف السنة ولا تنسي انه برنامج يناسب جميع أنواع البشرة ماعدا الحساسة بداية من سن ال 25 فيما فوق

وبالتوفيق يا قمر ويا ريت اللي يجربها يحكي عن تجربته
بالتوفيق ان شاء الله

Mayoya كتب:

gana كتب:: انا جربت كريم الايكولاجين للعين لكن ما عملش مفعول ملحوظ قوي فياريت تقوليلي اية النوع اللي استخدمة للعين وعلاج لارهاق العين ومنتج لتضييق المسام ياريت ومشكووووووووووورين

كريم سيينج أز بيليفنج حلو وهو مالتي بينيفيت وان شاء الله يجيب نتيجة معاكي بس وانت بتستعمليه خدي نقطة صغنتوتة اوي ع الخنسر واقسميها لنفس الصباع ف الايد التانية واعملي طبطبة رقيقة ع العظام حول العين الجفن العلوي من الداخل للخارج والسفلي من الخارج للداخل ولا تقتربي منطقة بعد العظمة تحت العين لانها منطقة حساسة جدا وانسجتها ضعيفة وهي اول ريدي هتشرب الكريم وتتغذي كويس وابقى عرفينا تجربتك معاه ان شاء الله لما تجربيه
سلام يا قمر

وبما انه مسامك واسعه يبقى البشرة دهنيه او مركبة لو واسعه ف الوش كله وكله بيفرز دهون زيادة تبقى دهنية ولو واسعة ف التي زون بس والدهون ف المنطقة دي بس تبقى مركبة بس خدي بالك وانت بتحكمي ع نوع البشرة لانه في فرق بين العرق والمياه لي بتفرزها البشرة والدهون عشان مش تعملي حاجة تبوظ لابشرة وتجيب نتيجة عكسية
حافظي ع الروتين اليومي والسبوعي لي يناسب بشرتك
واللي منهم المسئول عن قبض المسام (التونر) وماسك الطماطم

ربنا يجازيكي كل الخير يا mayoya يا جميلة

ان شاء الله حبيبتي انا وانت وكل المسلمين ياا رب العالمين

ممكن سؤال انا عندي بداية تجاعيد تحت العين مباشرة واخدت قلم العين الي كان نازل في شهر 8 time relaxe
بس لسه ماستخدمتوش وانا بشرتي دهنية استخدمه عادي على التجاعيد الي على الجفن التحتاني ولا ايه؟ افادكم الله

مجموعة الحبوب بيور سكين حلوة ولا من مجموعة شجرة الشاى ؟

اورفليم الحبيبة كتبت :
مجموعة الحبوب بيور سكين حلوة ولا من مجموعة شجرة الشاى ؟

الرد :
لو كان عندك حبوب جامدة(زي دمامل كدة) فالمجموعة دي ممتازة بس واظبي على استخدامها صباحا ومساءاً ده بالنسبة للمنظف والتونر والكريم ... اما عن الجل الصغير ده بتحطيه على الحبوب كل ساعة والكريم القوي المفعول 3 مرات في اليوم على كل حباية
مع استخدامك للمجموعة دي بانتظام ان شاء الله هاتقل الحبوب جدا
اما مجموعة شجرة الشاي ممتازة للبشرة الدهنية ... واذا كان في بعض الحبوب الصغيرة التي لها فترتها وتنتهي

ميرسى على الافادة بس مجموعة شجرة الشاى مكتوب فى البروشور انها للبشرة العادية الاقرب لللجافة تنفع كمان للدهنية ؟

uoosha كتبت :
ممكن سؤال انا عندي بداية تجاعيد تحت العين مباشرة واخدت قلم العين الي كان نازل في شهر 8 time relaxe
بس لسه ماستخدمتوش وانا بشرتي دهنية استخدمه عادي على التجاعيد الي على الجفن التحتاني ولا ايه؟ افادكم الله

الرد :
القلم كويس حطيه على منطقة العيون ... مكان عظام العين فوق وتحت صباحاً ومساءً.. ادهني بالفرشاة كأنك بتحتطي نقط وبعدين طبطبي على هذه المنطقة برفق بالاصبع قبل الاخير وابتعدي على ملامسته لعينك .... وهو بيناسب كل انواع البشرة

ميرسى على الافادة بس مجموعة شجرة الشاى مكتوب فى البروشور انها للبشرة العادية الاقرب لللجافة تنفع كمان للدهنية ؟

دي أكيد غلطة مطبعية ... مجموعة الشاي دي معمولة اساساً عشان البشرة الدهنية

مرسي جدا ع الافادة ودمتم بخير وسالمين

ليه سؤال بس ياريت الرد بسرعه انا بشرتى مركبه وكنت عايزه اجيب غسول التوت الازرق والافندر ده مناسب لبشرتى ولا فيه غسول نازل فى شهر 10 بالعسل ايه انسب ليه؟ وشكرا

بسمه عثمان كتبت:
ليه سؤال بس ياريت الرد بسرعه انا بشرتى مركبه وكنت عايزه اجيب غسول التوت الازرق والافندر ده مناسب لبشرتى ولا فيه غسول نازل فى شهر 10 بالعسل ايه انسب ليه؟ وشكرا
الرد :
طبعا العسل مش مناسب خالص لأنه للبشرة العادية أو الجافة فقط .... التوت الازرق واللافندر مناسب لكل أنواع البشرة وريحته تحفة على فكرة

» من كتاب خبيرة التجميل اللبنانية ليلى عبيد
» فيديو المنتجات الجديدة في كتالوج 13 مع خبيرة التجميل نرمين طارق.
» مدام رشا من فضلك نمرة تليفون نرمين طارف خبيرة التجميل
» استشارات تجميلية
» قاموس مصطلحات التجميل