استشارات مجانية مع خبيرة التجميل

البارفان الرجالي سيجنتشر الافضل
اسيدينت
سول

michael كتب:

ميرسي يا اوريفليم علي ردك بس العروض الداخلية اعرفها ازاي معلش اصلي عضو جديد استحملوني شوية :]:]:]

ولا يهمك يا باشا العروض دي بتعرفها من هنا من ع المنتدى برده مدام رشا ربنا يوفقها بتجيب كل الجديد اول باول وقبل اي مكان

michael كتب:

ميرسي يا اوريفليم علي ردك بس العروض الداخلية اعرفها ازاي معلش اصلي عضو جديد استحملوني شوية :]:]:]

العروض الداخلية بتنزل كل منتصف الشهر تقربيا ومدما رشا بتنزل الاخبار هنا فى قسم العروض الجديدة وفيه كمان عرض داخلى ليوم واحد بيكون الاحد التانى من كل شهر والمنتجات بتختلف من فرع لفرع

YASMEEIN كتب:

انا بشرتي دهنيه عايزه غسول ومسك ليا
وكمان كريم اساس حلو ويبان وشي طبيعي وصافي

ازيك ياسمين عاملة ايه
هاتى غسول اوبتمالز الاخضر ياقمر حلو جدا
ماسك الطماطم حلو جدا والبرتقال كمان للبشرة الدهنية وفيه كمان الماسكات الجديدة من بيور ناتشوال
كريم الاساس طبعا جوردانى لو كنت قمحية او بيضاء هاتى الدرجة البورسلين لانها افتح درجة فيهم

انابشرتي دهنيه وعندي 25 سنة وكلمتكوا قبل كده علي هالات لونها بيج غامق حولين عنيه وجبت جيل الصبار ومجبش نتيجه ونفسي اعرف اعمل ايه. وكمان بشرتي مرهقه ومش صافيه ونفسي تنصحوني بمنتج يديها صحة ونضارة.واخر حاجه انا مش بخرج في الشمس خالص وعشان كده مش بستعمل كريم للنهار وبحط كريم الليل للصبح ولبليل وعايزة اعرف ده صح ولا غلط.يا ريت تساعدوني وميرسي.

مي _lost كتب:

انابشرتي دهنيه وعندي 25 سنة وكلمتكوا قبل كده علي هالات لونها بيج غامق حولين عنيه وجبت جيل الصبار ومجبش نتيجه ونفسي اعرف اعمل ايه. وكمان بشرتي مرهقه ومش صافيه ونفسي تنصحوني بمنتج يديها صحة ونضارة.واخر حاجه انا مش بخرج في الشمس خالص وعشان كده مش بستعمل كريم للنهار وبحط كريم الليل للصبح ولبليل وعايزة اعرف ده صح ولا غلط.يا ريت تساعدوني وميرسي.

بصى جل العين بالصبار ده ترطيب فقط مالوش دعوة بالهالات احل الافضل للهالات التغذية السليمة والنوم بدرى وفيه وصفات طبيبعية بتجيب نتيجة مع الاستمرار لو حابه اقولك
لا انتى كده غلط لان كل كريم فيهم مخصص نظام مخصص
وكريم النهار بيجمى البشرة من السخونية والشمس وبيكون فيه معامل حماية اما كريم الليل فيكون اكتر للتغذية واللى بتكون فعالة اكتر اثناء النوم

انا بشرتى جافه عندى 21 سنه عايزه كريم نهار وليل وعين مناسب

تغريد كتب:

انا بشرتى جافه عندى 21 سنه عايزه كريم نهار وليل وعين مناسب

فيه مجموعة اوبتمالز مهدىء الاحمرار تناسب البشرة الجافة والحساسة حتلاقى فيه كريم ليل ونهار وللعين هاتى جل العين من مجموعة الو فاير حلو كمرطب

ميرسي ميرسي لاورفليم الحبيبةولميويه علي اهتمامكوا وردكوا عليه. وانا بشرتي دهنيه وفيها رؤوس بيضا وحبوب
يعني من الأخر مقرفه ياريت تنصحوني بحاجه للنضاره وكمان كريم ليل ونهارمناسب ليه

انا نسيت اقول ان كمية الحبوب بسيطة

مي _lost كتب:

ميرسي ميرسي لاورفليم الحبيبةولميويه علي اهتمامكوا وردكوا عليه. وانا بشرتي دهنيه وفيها رؤوس بيضا وحبوب
يعني من الأخر مقرفه ياريت تنصحوني بحاجه للنضاره وكمان كريم ليل ونهارمناسب ليه

العفو ياقمر هاتى مجموعة اوبتمالز الخضراءة ول وعايزة حاجة للحبوب هاتى من بيورسكين كريم سريع المفعول حينشف الحبابة بسرعة فى 3 ايام

ميرسي يا قمرات علي الاهتمام وربنا يكرمكوا ويخليكوا لكل عضوات المنتدي

معلش ياجماعه عايزه اعرف انهي برفان اجمل
اسندنت ولا اس سي نايت

معلش انا عارفه اني تقلت عليكوا
وكريم الاساس نازل من جورداني اللي في برطمان اللي اسمه
giordani gold rejuvenation foundation
انا بشرتي دهنيه وعندي 22 سنه

اسفه علي الازعاج

كريم الأساس Giordani Gold Rejuvenation Foundation – Porcelain غير مناسب لنوع بشرتك أو لسنك

وكريم الأساس المناسب لك هو

كريم أساس غير لامعOriflame Beauty Matte Control Foundation

كريم أساس خفيف يوفر لكي لمسة نهائية رائعة ترطيبا ممتازا. تركيبته مطورة أساسها الماء. كما يعمل على امتصاص الدهون من وجهك بتركيبته الدقيقة والمتقنة صنع خصيصا لذوى البشرة الدهنية والمركبة. 30 مل

انتظري لما ينزل عليه عرض

هي مجموعة الاوبتيمالز الخضراء هتنزل امتي انا بقالي شهرين مستنياهه

السلام عليكم انا لسة مشتركة فى المنتدى جديد وكنت عاوز اعرف كريم عين كويس ومناسب لسنى لانى عندى خطوط رفيعة حول العين بسيطة بس عاوزة اعالجها فبل متظهر اكتر ولو استعملت كريم ممكن اوقف استخدامة بعد فترة عادى ولازم افضل استخدمة على طول

كريم سينج اذ بيلفنج حلو اوى

السلام عليكم ورحمة اللة وبركاتة انا بعتنى بشعرى بس هو على طول مقصف من الطروف ومن الامام ومن كتر لبس الحجاب بدا يكون خفيف من الامام اعمل اية فى زيت او كريم بيعالج دة

السلام عليكم
انا عضوة جديدة فى المنتدى و فى عالم المكياج
عايزة مساعدة يا بنات
خبرتى فى المكياج تكاد تكون معدومة
عايزة اعرف اساسيات المكياج و ازاى اضع مكياج لنفسى من الاول الى الاخر
وافضل انواع كريمات الاساس مش عيزاها تترك اثر كأنى وجهى مجير عايزة اكون طبيعية
ساعدونى عندى فرح بعد اسبوعين عايزة اتعلم دلونى اعمل ايه
انا بشرتى دهنية و عمرى 30 سنة

وعليكم السلام ورحمة الله وبركاته يا دينا بصي بقا في حاجات بنعملها ومش بناخد بالنا انها تبوظ شعرنا زي الميا السخنة اللي بنغسل شعرنا بيها دي بتقصف الشعر جدا المفروض نغسل شعرنا بمية فاترة الي باردة واحسن حاجة تفيدلك شعرك هو السيرم طبعا او تجيبي البلسم اللي بيفضل علي الشعر وان شاءالله شعرك يبقي احسن وابقي قولنا عالنتيجة

وعليكم السلام يافرولايه واهلا بيكي في المنتدي عضوة جديدة وان شاءالله تلاقي اجابه علي كل اسئلتك بصي بقا ياستي بالنسبه لطريقة وضع المكياج فانا استاذة بس الماركات مش عارفه فيها قوي لاني جديدة في اورفليم وان شاءالله العضوات يفيدوكي المهم اول حاجه تعمليها انك تنضفي بشرتك بالمنظف وبعدين تحطي التونر اللي هيقفل المسام بقطنه صغيرة مبلولة ميه وبعدين تحطي كريم مرطب(علي وشك ورقبتك)وتستني 5دقايق كده لي ما الكريم يتشرب وتبدأي بقا تحطي كريم الاساس وتوزعيه كويس علي بشرتك (وشك ورقبتك)وبعدين تحطي الكونسيلر حولين عنيكي وبعدين تغطي كل ده بالبودرة المضغوطه وممكن تحطي كمان بودرة سايبةعليهاوبكده تكوني خلصتي الاساس بتاع المكياج هتبدأي بقا ترسمي عنيكي بالايشادو اللي هيليق مع لون لبسك وكحل جوة عنيكي وماسكرةمن طبقتين والنسبه للبلاشرهتحطي علي خدودك لفوق ولمسه علي دقنك وعلي انفك واخر حاجة الروج هتختاري اللون المناسب وتحطيه وعليه الملمع وخلاص وتبقي زي القمر

انا اول مرة احط مكياج ومش عارفة اشتري اية

مرسى يا مى تسمى يا قمر

ازيكوا يا جماعة
انا بجد استفدت كتير اووووووووى منكم ما شاء الله عليكم
انا بس كنت عايزة اعرف اية الفرق ما بين جل الاستحمام وفوم الاستحمام لانهم نازلين باسعار حلوة اوى الكتالوج الجاى
وشكرا

انا بشرتي تمتص الميكاب ومش عارفة اعمل ايه