من يحب الملبن ؟

موضوع: من يحب الملبن ؟ الجمعة مارس 21, 2008 12:10 pm

ياترى فاكرين الملبن يا مصريين والانسيتوه مع زحمة الحلوى الغربيه

الملبن من اجمل الحلوى واسهلها

افتكرته النهارده وطبعا افتكرتكم

بيسموه فى الشام حلقوم

الاتراك بيعملوا الملبن من اى حاجه ورائع

انا اكلت ملبن جزر تركى اكثر من رائع

ايه رايكم نعمل ملبن ؟؟؟

هايحبوه الاطفال جدا وخاصه لو كان ملون بالوان طبيعيه شكله مغرى جدا

واى حاجه فى البيت افضل مليون مرة من الشارع

اسف للاطاله

نبدا بعمل الملبن

فتحت الحله

مقاديرنا:

2 كوب كبير نشا

4 كوب كبير سكر

3 كوب ماء

ممكن شوية فانيليا ممكن ماء ورد وممكن ماء زهر

انا شخصيا باستعمل مية الورد

الوان طبيعية لو حبيتى تعمليه ملون

الطريقه :

اولا دوبى النشا فى الماء على البارد

اخلطى الميه والسكر وعلى النار اتركى الخليط يغلى

ضيفى النشا المخلوط جيد بالمياه

بعد حوالى 15 دقيقه من الغليان هدى النار جدا واتركى الخليط يغلى يغلى على نار هاديه جدا مع التقليب كل فتره لحد ما يغلظ القوام

وفى النهاية ضيفى النكهه على حسب رغبتك يعنى فانيليا او ماء ورد او ماء زهر

بعد كده هانصب الخليط فى صنيه طويله بعد دهنها بزيت عديم الرائحه

اتركيها تبرد وبعدين ادخليها الثلاجه للتجلد)ممكن نضيف فستق او جوز

قطعيها مربعات او لو عندك اشكال قطاعات استخدميها على شكل قلوب او مكعبات

قومى بوضع القطع فى نشا مخلوط بسكر بورده وقدميها على ورق دانتيل

وبالف هنا

ملحوظه:

ممكن تسخدمى عين الجمل (الجوز ) وتلفى الملبن الى رول اسطوانى الشكل وبكده نبقى عملنا كرابيج حلب منزليا

منقول من الواحة المصرية

شكرا على الملبن طريقة سهلة وشكلها لذيذ

اوعدك هجربه لانى من عشاق الملبن